Генацыд беларускага народа, 80 гадоў з дня трагедыі ў Хатыні, супрацьстаянне санкцыям, маладзёжная палітыка, выбар знешнепалітычнага курса краіны, стварэнне новай палітычнай партыі, эканоміка і навука. Гэтыя тэмы сталі ключавымі падчас інфармацыйна-асветніцкага праекта «Заліковая размова» ў Магілёўскім дзяржаўным універсітэце імя А.А. Куляшова. Старшыня Рэспубліканскага грамадскага аб'яднання «Белая Русь» і кіраўнік Беларускай партыі «Белая Русь» Алег Раманаў сустрэўся са студэнтамі - да дыялогу падключылася больш за 100 студэнтаў ВНУ. Сустрэча прайшла жыва і эмацыйна.
Алег Раманаў ужо трэці раз працуе са студэнцкай аўдыторыяй у рамках «Заліковай размовы». І заўсёды такія сустрэчы, зазначае, інфарматыўныя і змястоўныя. Найбольш пытанняў ад студэнтаў і выкладчыкаў ВНУ датычылася партыйнага будаўніцтва: супрацоўніцтва і канкурэнцыі паміж палітычнымі партыямі, механізмаў уступлення ў партыю «Белая Русь». Алег Раманаў нагадаў, што ўжо ідзе шчыльная праца па стварэнні новай партыі - прайшоў устаноўчы з'езд, рыхтуюцца дакументы для падачы ў Міністэрства юстыцыі:
- «Белая Русь» прэтэндуе на тое, каб быць вядучай партыяй, самай шматлікай, а праз час і найбольш уплывовай. Канкурэнцыі не баімся, а наадварот чакаем яе. Бо гэта ўмова паспяховага развіцця: дазваляе не спачываць на лаўрах, а рухацца. Што да ўзаемадзеяння ў іншымі партыямі. На сённяшні дзень буйнымі ігракамі лічым Ліберальна-дэмакратычную і Камуністычную партыі. У нас ёсць агульныя каштоўнасці: гістарычная памяць, абарона суверэнітэту краіны на знешнепалітычнай арэне. Наша позва, напэўна, крыху шырэйшая, але знаходзіць кропкі судотыку, узаемадзеяння з іншымі палітычнымі сіламі можам і будзем.
Адказваючы на пытанне аб механізме ўступлення ў партыю «Белая Русь», Алег Раманаў патлумачыў - пасля яе стварэння гэта можна зрабіць шляхам падачы заявы ў раённую структуру. Студэнтцы 2 курса факультэта эканомікі і права Дыяне Камаровай вельмі спадабалася сустрэча. Дзяўчына свядома ішла на «Заліковую размову», каб пачуць Алега Раманава. Справа ў тым, што Дыяна ўзначальвае студэнцкае вочка грамадскага аб'яднання «Белая Русь» ва ўніверсітэце:
- На кожным факультэце ў нас ёсць прадстаўнікі «Белай Русі», усяго каля 250 студэнтаў. Рабятам цікавая наша дзейнасць, актыўнае творчае жыццё. Мы не прапускаем ніводнага свята, у нас ёсць старонка ячэйкі ў сацыяльных сетках. Дзякуючы такому аб'яднанню мы сталі больш згуртаванымі. У нас сапраўдная студэнцкая сям'я. Ведаю, што 18 сакавіка адбыўся ўстаноўчы зьезд партыі «Белая Русь». Сама вельмі хачу ў яе ўступіць, мяркую, такая магчымасць у мяне будзе. Што тычыцца цікавай, па-сапраўднаму «Заліковай размовы». Выдатна, што ў студэнтаў ёсць магчымасць пачуць цікавых спікераў, задаць ім пытанні, даведацца самую свежую інфармацыю - праўдзівую і адпаведную рэчаіснасці.
Падводзячы вынікі размовы ў МДУ ім. А.А. Куляшова, Алег Раманаў адзначыў, што кожны раз аўдыторыя задае зусім розныя пытанні:
– Мяне радуе, што падчас «Заліковай размовы» няма нейкай адной тэмы. Яны зусім розныя. Часам не чакаеш некаторых пытанняў, адказваеш няхай экспромтам, але шчыра. Такая разнастайнасць – вельмі важнае вымярэнне, фішка «Заліковай размовы». Студэнтаў цікавяць многія сферы: вучоба, палітыка, маладзёжны рух. Сёння мы пагаварылі разнастайна, глыбока і цікава. Хаця моладзь па сваёй натуры апалітычная, студэнты ўсё роўна цікавяцца палітычнымі працэсамі, сітуацыяй унутры нашай краіны, на знешнім контуры. Казалі пра самаразвіццё маладога чалавека, яго прафесійнае станаўленне, пра тое, якія магчымасці дае дзяржава для рэалізацыі кожнага ў нашай краіне. Закранулі тэмы Хатыні і гадавіны трагедыі, генацыду, спробаў збіць нас з гістарычнай траекторыі, якія робяцца зараз.
Алег Раманаў адзначыў, што ва ўсіх сустрэчах са студэнцкай аўдыторыяй на «Заліковай размове» заўсёды ёсць агульны пасыл:
- Заўсёды кажу пра тое, што кожны чалавек у нашай краіне можа сябе рэалізаваць. Калі ён працуе, мае цікавасць да жыцця і развіцця, усяго можа дабіцца. Для гэтага дзяржавай створаны ўсе ўмовы.
Пры выкарыстанні матэрыялаў актыўная гіперспасылка на mogilev-region.gov.by абавязковая
23.05.2024 - 13:06
Аляксандр Лукашэнка назваў УНС палітычнай ядзернай зброяй Беларусі
21.05.2024 - 12:04
Удасканаленне кантрольна-нагляднай дзейнасці стала тэмай нарады ў Аляксандра Лукашэнкі
20.05.2024 - 15:03
