Рус Бел Eng 中文

Алея ў гонар 100-годдзя ВЛКСМ з’явілася ў Магілёве

Алею ў гонар 100-годдзя ВЛКСМ высадзілі 25 кастрычніка ў Магілёве. Паўдзельнічаць у грамадскай акцыі ў новым гарадскім парку Падніколля сабралася каля 300 чалавек. Для ветэранаў камсамольскага руху гэта стала магчымасцю сустрэцца, пагутарыць з калегамі і старымі сябрамі, а для моладзі і актывістаў БРСМ здзейсніць яшчэ адну добрую справу, бо алея з шарападобных вербаў на самым беразе Дняпра стане сапраўдным упрыгожваннем гарадскога парку.

«У мае маладыя гады быў такі значны аб’ект, як мемарыяльны комплекс «Курган Славы» ў Мінску, – успамінае ветэран камсамольскага руху Канстанцін Крупенькін. – Мы, тады яшчэ студэнты, прыязджалі туды і наразалі дзёран, умацоўвалі аснову насыпу помніка. Калі я праязджаю каля гэтага месца, заўсёды ў грудзях пачуццё гонару, што і мая кропелька працы ўкладзена ў гэты аб’ект памяці аб Вялікай Айчыннай вайне і нашай гісторыі».

Паводле слоў Канстанціна Крупенькіна, за камсамольскае юнацтва ён паспеў высадзіць вялікі сад, паўдзельнічаць у многіх грамадска значных акцыях, мерапрыемствах, камсамольскіх будоўлях. «Таму ў гэтым сэнсе мне не сорамна перад будучымі пакаленнямі, паколькі ўдалося ўнесці свой уклад у развіццё нашай дзяржавы, пакінуць свой след з добрых спраў», – падкрэсліў ветэран камсамольскага руху.

У сваю чаргу лідар Кастрычніцкага раённага камітэта БРСМ Магілёва Арцём Строганаў запэўніў, што цяперашняя моладзь імкнецца не адстаць ад сваіх папярэднікаў. «Мы пераймаем усё найлепшае, што было ў ВЛКСМ, стараемся гэта развіць і памножыць, пашыраем новыя напрамкі дзейнасці, – адзначыў ён. – Напрыклад, я лічу вельмі важным актыўна далучаць моладзь да валанцёрскага руху, які дае магчымасць выхоўваць гуманнае стаўленне да людзей, абараняць іх жыццё і здароўе, шанаваць і паважаць асобу».

У пасадцы дрэў спатрэбіліся навыкі і вопыт ветэранаў-камсамольцаў, моладзь старалася не адставаць. На працягу гадзіны алея набыла абрысы прыгожага прамавугольніка, а ў яе пачатку ўстанавілі гранітны валун. У найбліжэйшы час тут з’явіцца інфармацыйная таблічка з назвай і датай высадкі дрэў.

Тэкст – БЕЛТА

 

Калі вы заўважылі памылку ў тэксце, калі ласка, вылучыце яе і націсніце Ctrl+Enter.

Чытайце таксама ў катэгорыі "навiна дня":

20.11.2018 - 11:20 | Асабісты прыём грамадзян правядзе 21 лістапада ў Чавусах старшыня Магілёўскага аблвыканкама Уладзімір Даманеўскі

Выязны асабісты прыём грамадзян і прадстаўнікоў юрыдычных асоб правядзе 21 лістапада ў Чавусах старшыня Магілёўскага аблвыканкама Уладзімір Віктаравіч Даманеўскі.

20.11.2018 - 10:15 | Асабісты прыём грамадзян і прамую тэлефонную лінію правядзе 21 лістапада ў Клічаве памочнік Прэзідэнта Рэспублікі Беларусь - інспектар па Магілёўскай вобласці Генадзь Лаўранкоў

Асабісты прыём грамадзян і прамую тэлефонную лінію правядзе 21 лістапада ў Клічаве памочнік Прэзідэнта Рэспублікі Беларусь – інспектар па Магілёўскай вобласці Генадзь Лаўранкоў.

19.11.2018 - 10:01 | Прамую тэлефонную лінію правядзе 24 лістапада намеснік старшыні Магілёўскага аблвыканкама Віктар Некрашэвіч

Прамую тэлефонную лінію правядзе 24 лістапада намеснік старшыні Магілёўскага аблвыканкама Некрашэвіч Віктар Уладзіміравіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.

17.11.2018 - 17:00 | Пераможцаў абласнога спаборніцтва за дасягненне найвышэйшых паказчыкаў на ўборцы ўраджаю збожжавых і зернебабовых раслін у 2018 годзе ўшаноўвалі ў Магілёве

Пераможцаў абласнога спаборніцтва за дасягненне найвышэйшых паказчыкаў на ўборцы ўраджаю збожжавых і зернебабовых раслін у 2018 годзе ушаноўвалі сёння ў Магілёве, паведамляе карэспандэнт сайта.

16.11.2018 - 12:14 | Народныя прадстаўнікі Магілёўскай вобласці і кітайскай правінцыі Хунань маюць намер актыўна абменьвацца вопытам работы

Народныя прадстаўнікі Прыдняпроўскага краю і кітайскай правінцыі Хунань маюць намер актыўна абменьвацца вопытам працы. Мерапрыемствы па ўмацаванні супрацоўніцтва абмяркоўвалі сёння падчас афіцыйнай сустрэчы старшыня Магілёўскага абласнога Савета дэпутатаў Дзмітрый Харытончык і намеснік старшыні Пастаяннага камітэта сходу народных прадстаўнікоў правінцыі Хунань Ян Вэйган.