Аляксандр Лукашэнка: мая пазіцыя застаецца нязменнай – давайце захаваем краіну

Прэзідэнт Беларусі Аляксандр Лукашэнка перакананы ў неабходнасці захаваць цэласнасць і суверэнітэт краіны. Пра гэта кіраўнік дзяржавы заявіў падчас зносін з калектывам Магілёўскай абласной клінічнай бальніцы.

«Я хачу, каб вы разумелі маю пазіцыю, яна нязменная: давайце жыць дружна, захаваем краіну (а мы яе захаваем, чаго б нам гэта ні каштавала, і не для мяне, і не для яго – гэта ўжо для ўнукаў). І гэта мая галоўная задача. Усё будзеце вырашаць вы. Абяцаю вам: усё будзеце вырашаць вы», – падкрэсліў беларускі лідар.

Прэзідэнт звярнуў увагу, што гэта заява адносіцца таксама і да паправак у Канстытуцыю, якія цяпер рыхтуюцца менавіта з улікам прапаноў і інтарэсаў беларускіх грамадзян.

Аляксандр Лукашэнка адзначыў, што не імкнецца ўтрымаць уладу любой цаной, аднак і здаваць краіну склаўшы рукі таксама не збіраецца. «Я нікуды не пабягу, каб вы ведалі. Нікуды, – заявіў ён. – Добра, што час прайшоў, і людзі ўбачылі, хто рваўся да ўлады. Справа не ва мне. Я часта кажу: я сваё адпрацаваў. Мне шкада, што будзе пасля гэтага (калі да ўлады прыйдуць тыя, хто цяпер у апазіцыі да дзейнага кіраўніцтва. – заўв. БелТА)».

Лукашэнка – магілёўскім медыкам: вы проста малайцы, ціха і спакойна робіце сваю справу

Лукашэнка: галоўная задача ўрачоў – лячыць людзей, астатнім дзяржава забяспечыць іх

Лукашэнка назваў прыкладны кошт стварэння беларускай вакцыны ад каранавіруса

БЕЛТА