Аляксандр Лукашэнка выступіў з дакладам на VI Усебеларускім народным сходзе

11.02.202115:48

Прэзідэнт Рэспублікі Беларусь Аляксандр Лукашэнка выступіў з дакладам падчас шостага Усебеларускага народнага сходу, які праходзіць у Мінску 11–12 лютага пад дэвізам «Адзінства. Развіццё. Незалежнасць».

Кіраўнік дзяржавы прывітаў удзельнікаў форума, адзначыўшы, што менавіта яны гэтымі днямі з’яўляюцца гаспадарамі сталіцы і краіны.

Аляксандр Лукашэнка перш за ўсё падзякаваў мясцовым органам улады за правядзенне напярэдадні форума дыялогавых пляцовак у розных гарадах, дзе людзі змаглі абмеркаваць існуючыя праблемы і прапанаваць варыянты іх вырашэння.

Прэзідэнт заявіў, што ўдзельнікі VI Усебеларускага народнага сходу сёння гаспадары беларускай сталіцы і краіны ў цэлым. «Менш глядзіце ў рознага роду каналы, жывіце сваім жыццём, – заклікаў кіраўнік дзяржавы. – Нас пампавалі дагэтуль, пампуюць цяпер, асабліва вас (я ўжо звыкся), будуць пампаваць і потым. Як у народзе кажуць, асабліва не турбуйцеся. Жывіце сваім розумам. Вы – законныя прадстаўнікі народа Беларусі, працоўных калектываў, грамадскіх арганізацый».

Аляксандр Лукашэнка дадаў, што не варта чакаць ад сённяшняга форума вырашэння глабальных праблем. «Мы іх пазначаем. Мы гаворым пра тое, як будзем развівацца ў будучае пяцігоддзе. Можа, атрымаецца зазірнуць і за гарызонты, – адзначыў ён. – Вы гаспадары, калі хочаце выступіць, выказаць сваё слова, выходзьце да мікрафона і гаварыце, як гаспадары. Вы не парабкі, не павінны ні пад каго падладжвацца. Мы перажываем вельмі складаны момант, і павінны быць адкрытыя, сумленныя і прыстойныя перад сабой, сваімі сем’ямі, сябрамі, каханымі, людзьмі і беларускім народам».

Пасля кароткага выступлення кіраўніка дзяржавы ўдзельнікі форума абралі Прэзідыум Усебеларускага народнага сходу ў прапанаваным складзе. Прычым было вырашана абіраць яго не персанальна, а ў цэлым.

Форма пошуку

Аляксандр Лукашэнка выступіў з дакладам на VI Усебеларускім народным сходзе

Вы тут

Чытайце таксама ў катэгорыі "навiна дня":