Анатоль Ісачанка павіншаваў перадавікоў зялёнага жніва на Клімаўшчыне

На Клімаўшчыне працягваецца актыўная ўборка кукурузы. У рамках рабочай паездкі ў рэгіёны старшыня Магілёўскага аблвыканкама Анатоль Ісачанка наведаў Клімавіцкі раён і павіншаваў перадавікоў уборачнай кампаніі.

Высокую ацэнку атрымалі члены мехатрада нумар 2 ААТ «Задняпроўскі міжрайаграсэрвіс» - Мікіта Патапенка, Пётр Еўтушэвіч і Дзмітрый Міхеенка, якія працуюць на палях КСУП «Полашкава».

Урачыстае ўручэнне каштоўных падарункаў адбылося на МТК «Барысаўка», дзе закладваюцца траншэі з кукурузным сіласам. Губернатар Прыдняпроўскага края падзякаваў усім, хто сёння працуе на палях, забяспечваючы якасную нарыхтоўку кармоў і дастойныя вынікі ўборачнай кампаніі.

rodniva.by