Анатоль Ісачанка правёў сустрэчы з актывамі Дрыбінскага і Мсціслаўскага раёнаў

Старшыня Магілёўскага аблвыканкама Анатоль Ісачанка правёў сустрэчы з актывамі Дрыбінскага і Мсціслаўскага раёнаў.

У сустрэчах таксама прынялі ўдзел старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Ігар Марзалюк і старшыні мясцовых райвыканкамаў.

- Трэба развіваць ініцыятыву, удасканальваць сістэму дыялогу з жыхарамі, прыцягваючы іх да вырашэння актуальных пытанняў. Гэта дазволіць нам эфектыўна накіроўваць рэсурсы на вырашэнне найбольш важных праблем. Мы павінны слухаць і чуць людзей, абапірацца ў сваёй працы на іх думку. Толькі такі падыход прынясе вынік, - падкрэсліў губернатар ва ўступным слове.

Анатоль Ісачанка таксама адзначыў, што будучыня Магілёўшчыны сёння залежыць толькі ад нас.

- Заўважу, што ў нас павінна быць дакладнае разуменне: толькі ад выніку нашай працы будзе залежаць, як мы будзем жыць далей. І гэта трэба нам, трэба нашым дзецям, трэба нашым унукам, - сказаў на заканчэнне Анатоль Міхайлавіч.

У сваім выступленні кіраўнік Прыдняпроўскага краю закрануў найважнейшыя для кожнага жыхара вобласці сферы жыцця: ЖКГ, ахову здароўя, адукацыю, сельскую гаспадарку, эканоміку,  інвестыцыі і іншыя.

У завяршэнне свайго выступлення Анатоль Ісачанка адказаў на пытанні прысутных, падвёў вынікі сацыяльна-эканамічнага развіцця рэгіёнаў за мінулы год і намеціў пункты росту на гэты год.

- 30 гадоў мы ідзем па шляху развіцця нашай краіны, якім мы па праве ганарымся! 30 гадоў мы жывем у дастатку і дабрабыце! Мы зрабілі тую Беларусь, за якую трэба моцна трымацца, адстойваць і абараняць! Таму я перакананы, што, якімі б напружанымі і адказнымі ні былі пастаўленыя задачы, яны будуць паспяхова вырашаны, таму што мы - адзіныя! - рэзюмаваў губернатар.

mogilevnews.by