Анатоль Ісачанка сустрэўся з міжнароднымі назіральнікамі ад Садружнасці Незалежных Дзяржаў

Старшыня аблвыканкама Анатоль Ісачанка правёў сустрэчу з міжнароднымі наглядальнікамі ад Садружнасці Незалежных Дзяржаў на выбарах Прэзідэнта Рэспублікі Беларусь, якія ажыццяўляюць назіранне ў Магілёўскай вобласці, на чале з куратарам дэлегацыі Дарадцам Выканкама СНД Аленай Шамаль. У сустрэчы таксама прынялі ўдзел старшыня абласнога Савета дэпутатаў, член Савета Рэспублікі Нацыянальнага сходу Аляксандр Гарошкін і старшыня абласной камісіі па выбарах Прэзідэнта Рэспублікі Беларусь Яўген Алекса.

Як расказаў у сваім выступленні Анатоль Ісачанка, у рэгіёне працуюць абласная і 25 раённых камісій, у тым ліку па дзве ў Магілёве і Бабруйску. Акрэдытавана каля 5,6 тыс. нацыянальных назіральнікаў. Утворана 683 участкі для галасавання, у тым ліку 32 закрытыя - гэта бальніцы і санаторыі. Участкі абсталяваны ўсім неабходным.

«Заўтра, у асноўны дзень галасавання, на ўсіх участках будзе арганізавана маштабная культурная праграма і гандлёвае абслугоўванне насельніцтва. Традыцыйна мы стараемся дзень выбараў зрабіць святочным днём для нашых людзей, - адзначыў Анатоль Ісачанка. - Адзначу, што электаральная кампанія ў вобласці праходзіць спакойна і ў строгай адпаведнасці з заканадаўствам. На сёння па выніках чатырох дзён датэрміновага галасавання амаль 36 працэнтаў выбаршчыкаў нашай вобласці ўжо зрабілі свой выбар.

Мы бачым, што яўка дастаткова высокая, гэта сведчыць аб тым, што людзі свядома ідуць на выбарчыя ўчасткі, каб прагаласаваць за стабільнасць, упэўненасць і паступальнае развіццё, якое ідзе ў нашай краіне больш за 30 гадоў».

Анатоль Ісачанка адзначыў зацікаўленасць у максімальным падключэнні прадстаўнікоў Місіі краін СНД да назірання за выбарчым працэсам у вобласці: «Упэўнены, што галоўнымі крытэрыямі вашай працы, будзе праўдзівасць і аб'ектыўнасць. Усе вашыя канструктыўныя заўвагі і прапановы, якія будуць зробленыя, стануць карыснымі для нашай далейшай працы».

Мы бачым, што яўка дастаткова высокая, гэта сведчыць аб тым, што людзі свядома ідуць на выбарчыя ўчасткі, каб прагаласаваць за стабільнасць, упэўненасць і паступальнае развіццё, якое ідзе ў нашай краіне больш за 30 гадоў».

Анатоль Ісачанка адзначыў зацікаўленасць у максімальным падключэнні прадстаўнікоў Місіі краін СНД да назірання за выбарчым працэсам у вобласці: «Упэўнены, што галоўнымі крытэрыямі вашай працы, будзе праўдзівасць і аб'ектыўнасць. Усе вашыя канструктыўныя заўвагі і прапановы, якія будуць зробленыя, стануць карыснымі для нашай далейшай працы».

Гэта будзе сучасны культурна-адукацыйны і навучальны цэнтр, створаны з выкарыстаннем найноўшых медыятэхналогій, дыялогавая пляцоўка, месца патрыятычнага выхавання падрастаючага пакалення.

Тым больш што ёсць яшчэ адзін праект, які нас аб'ядноўвае. Гэта моладзевы патрыятычны прабег «Дарогамі Памяці і Славы», які пачаў свой шлях у 2022 годзе. Ён згуртаваў нашу моладзь на аснове гістарычных і гераічных традыцый нашай Радзімы.

Праект выклікаў вялікую цікавасць і было прынята рашэнне правесці яго на больш маштабным узроўні з запрашэннем моладзі з расійскіх рэгіёнаў.

У чэрвені 2023 года ўдзельнікамі праекта сталі Смаленская, Бранская, Ленінградская, Астраханская вобласці і Хабараўскі край. А летась да нас далучыліся яшчэ 11 рэгіёнаў Расіі».

Губернатар адзначыў, што пра гэта нельга не сказаць, таму што кожны край павінен ганарыцца сваёй гісторыяй, культурнай і духоўнай спадчынай: «Можа здацца банальнай, але гэта факт, калі чалавек не думае аб сучаснасці, не ганарыцца сваім мінулым, у яго няма будучыні».

Старшыня Камісіі Парламенцкага сходу па навуцы і адукацыі дэпутат Дзярждумы РФ Вольга Германава падтрымала словы Анатоля Ісачанкі і адзначыла, што Буйніцкае поле мела легендарнае значэнне падчас Вялікай Айчыннай вайны і Саюзная дзяржава аказвае і працягне аказваць усю магчымую падтрымку ў стварэнні музея на гэтай тэрыторыі.

Таксама яна расказала, што ў складзе прадстаўнікоў Місіі краін СНД яны ўжо трэці дзень працуюць у рэгіёне: «Беларуская зямля прымае сардэчна. Па-першае, людзі вельмі гасцінныя, а па-другое, у мяне заўсёды добры настрой, калі я бачу парадак у працы. Парадак бачны на выбарчых участках, немагчыма не адзначыць і вялікую плынь людзей. Вельмі шмат грамадзян ідзе на выбарчыя ўчасткі, асабліва ў вячэрні час пасля працы. Гэта меркавана і чакана. Па-першае, гэта статутная выбарчая кампанія, а па-другое, за апошнія гады адбылася пераацэнка каштоўнасцяў. Мне здаецца, людзі зразумелі, што свет вельмі крохкі і што трэба берагчы і развіваць сваю дзяржаву. А згуртавацца можна толькі вакол моцнага лідэра».

Адзначыла міжнародны назіральнік і высокую актыўнасць, уцягнутасць моладзі: «У адной з бабруйскіх школ, адказваючы на нашыя пытанні, дзяўчына, якая ўпершыню галасуе, сказала: «У мяне ёсць такое права – прагаласаваць – і я ім карыстаюся, таму што мне жыць на гэтай зямлі». Цешыць, што моладзь гэта сёння ўсведамляе. Не менш радуе бачыць побач з вопытнымі людзьмі ў складзе выбарчых камісій маладых. Гэта важна - пераемнасць».

Вольга Германава адзначыла, што ў ходзе работы парушэнняў назіральнікамі не адзначана - юрыдычна і эстэтычна выбарчыя ўчасткі падрыхтаваны дастойна. Пры гэтым яна падзялілася, што, наведваючы адзін з участкаў у Бабруйску, размешчаны ў новай школе, была ўзрушана тым, што такі аб'ект можна зрабіць за дзевяць месяцаў: «Як «сацыяльны чыноўнік» скажу, што гэта вельмі складана і практычна немагчыма - зрабіць такую сучасную школу за такі кароткі тэрмін, але беларусам гэта аказалася пад сілу. Таму яны і кажуць - вось за гэта мы і галасуем: за дзяцей, за сваю сям'ю, за тое, што створаны ўсе ўмовы і людзі самі маюць дачыненне да іх стварэння».

Незалежны назіральнік Хайнц Вемаер з Вітэнберга (Германія), адказваючы на пытанні журналістаў, пазначыў, што толькі прыбыў у рэгіён, настроены на працу і адзначыў, што, як праходзяць сёлетнія выбары, будзе зразумела заўтра: «Буду глядзець, як арганізавана галасаванне, як рэагуюць выбаршчыкі. Выказаў жаданне прыехаць менавіта ў Магілёў для пацверджання, замацавання ідэі сяброўства паміж нашымі гарадамі. У Беларусь я ўпершыню прыбыў у 1992 годзе з мітрапалітам Філарэтам, знаёмства адбылося на фоне прыёму дзяцей Чарнобыля. І пасля гэтай цудоўнай сустрэчы мы зразумелі, якія таленты ў вас у краіне. Так пачалося супрацоўніцтва ў сферы культуры, - падзяліўся ўспамінамі Хайнц Вемаер. – Амаль 30 гадоў да нас прыязджаюць музыканты, танцоры, мастакі. Вось толькі нядаўна атрымалі цудоўны каляндар на дзвюх мовах, нямецкай і рускай, ад дзіцячай школы мастацтваў. Гэта былі нашыя першыя партнёры тады, калі мы толькі прыехалі. Думаю, гэта добры фундуш у замацаванне гэтых цудоўных адносін у такі няпросты час. Нашы задачы як народнай дыпламатыі асаблівыя. У лістападзе мы правялі канферэнцыю грамадскіх арганізацый у Менску. У бліжэйшы час падпішам дакумент аб тым, якія мерапрыемствы сёлета паміж Магілёвам і Вітэнбергам правядзем».

Замежны назіральнік зазначыў, што пакуль яшчэ не наведваў участкі, але паколькі ўдзельнічае ў назіранні за выбарамі ў Беларусі ўжо ў трэці раз, прыкладна ведае, што чакаць: «У мінулыя гады выбары былі вельмі эмацыйныя, дружныя, сямейныя. Гэта не толькі скрыні для галасавання, на ўчастках прадугледжана культурная праграма, пачастункі. Гэта значыць сапраўднае нацыянальнае свята для чалавека».

Прадстаўнік Місіі назіральнікаў ад СНД Халмурат Рашыдаў расказаў, што за ходам выбарчай кампаніі ў Беларусі яны сочаць з 18 снежня: «За гэты перыяд мы прайшлі практычна ўсе этапы падрыхтоўкі. Цесна працавалі з рознымі органамі і ўстановамі Рэспублікі Беларусь. Усюды нам была аказана максімальная дапамога, прадастаўлена ўся неабходная інфармацыя. Мы праводзілі назіранні практычна ва ўсіх рэгіёнах Рэспублікі Беларусь і вельмі блізка азнаёміліся са ўсёй працэдурай падрыхтоўкі і правядзенні выбараў. Якіх-небудзь нараканняў, якіх-небудзь заўваг, якіх-небудзь парушэнняў намі не выяўлена.

У Магілёўскай вобласці мы пабывалі ўжо ў Магілёве і Бабруйску, наведалі і радзіму Прэзідэнта Рэспублікі Беларусь Аляксандра Рыгоравіча Лукашэнкі. Мы наведалі выбарчыя ўчасткі, назіралі за ходам датэрміновага галасавання. І з аднаго боку нас здзівіла, а з другога - не, што народ ідзе на выбары з вялікай ахвотай. Усе катэгорыі насельніцтва, пачынаючы ад самых маладых выбаршчыкаў да пажылых, ідуць свядома, з добрым святочным настроем. І нас гэта, вядома, цешыць.

Звяртае на сябе ўвагу, што выбаршчыкі сталыя, юрыдычна пісьменныя, якія дакладна разумеюць свае правы і маюць намер скарыстацца сваім канстытуцыйным правам. І такім чынам вырашыць вынікі выбараў і вызначыць будучыню сваёй краіны.».

Яшчэ адзін прадстаўнік Місіі назіральнікаў ад СНД Аляксандр Станькоў зазначыў, што Магілёўскую вобласць у якасці назіральніка наведвае не ўпершыню: «Вельмі прыемна сюды прыязджаць, таму што выбарчы працэс праходзіць арганізавана, легітымна, у рамках закона. На ўчастках заўсёды цішыня і спакой. Ніколі не адзначалася заўваг. У вас гэта свята. І яно адчуваецца. Ідзеш па вуліцы - чысціня, парадак, спакой. Адчуваецца - ёсць гаспадар. У горадзе, у вобласці, у краіне. Народ прыязны.

Пытаючыся, чаму так актыўна людзі ідуць на выбары, мы чуем ад іх, што яны выбіраюць будучыню сваёй краіны, дзе будуць жыць іх дзеці і ўнукі, што галасуюць за эканамічнае развіццё, за перспектывы, за моцнага лідара.

Гэтая выбарчая кампанія з аднаго боку нічым не вылучаецца, з другога - адрозніваецца вялікай актыўнасцю. Пры гэтым людзі спакойна, абдумана выбіраюць будучыню Беларусі. Таму што, паўтаруся, яны самі вырашаюць, як ім жыць, якая будзе краіна - і гэта самае галоўнае».

Юлія Таранава, фота Галіны Гаўрыловіч