У вобласці шмат зроблена для таго, каб сістэма адукацыі функцыянавала стабільна, рэалізуючы правы кожнага дзіцяці, кожнай сям'і. Такое меркаванне выказаў старшыня Магілёўскага абласнога выканаўчага камітэта Анатоль Ісачанка падчас абласной канферэнцыі педагагічных работнікаў.
У маштабным форуме прынялі ўдзел памочнік Прэзідэнта - інспектар па Магілёўскай вобласці Леанід Мартынюк, старшыня Магілёўскага абласнога Савета дэпутатаў Аляксандр Гарошкін, намеснік старшыні Магілёўскага аблвыканкама Алег Стэльмашок, начальнік галоўнага ўпраўлення па адукацыі Магілёўскага абласнога выканаўчага камітэта Андрэй Заблоцкі, ганаровыя госці і педагагічная грамадскасць рэгіёна.
Звяртаючыся да прысутных, старшыня Магілёўскага аблвыканкама падкрэсліў, што ад якасці адукацыі залежыць сацыяльна-эканамічны дабрабыт грамадства і далейшае развіццё Беларусі.
«У вобласці шмат зроблена для таго, каб сістэма адукацыі функцыянавала стабільна, рэалізуючы правы кожнага дзіцяці, кожнай сям'і, - падкрэсліў Анатоль Ісачанка. - Сёння можна з упэўненасцю сказаць, усё што мы абяцалі - выканалі.
У гэтым годзе на капітальны і бягучы рамонты ўстаноў адукацыі бюджэтам прадугледжана і выдзелена 87,5 мільёнаў рублёў. Заўважу, што такіх сродкаў у сістэму адукацыі мы ніколі не ўкладалі».
Кіраўнік Прыдняпроўскага краю расказаў, што да пачатку навучальнага года праведзены капітальны рамонт 31-ай школы; 282 школы адрамантаваны па бягучым рамонце; вырашана важная праблема па замене вокнаў ва ўсіх школах вобласці; у 26 установах прайшоў рамонт спартыўных пляцовак і бегавых дарожак.
Што датычыцца харчавання дзяцей у школах, то Анатоль Ісачанка звярнуў увагу, што ў 100% устаноў, арганізавана харчаванне з прымяненнем новых прынцыпаў і падыходаў. Для гэтага закупілі і ўстанавілі 472 адзінкі асноўнага абсталявання для харчаблокаў.
Пад поўную патрэбнасць забяспечаны падвоз навучэнцаў транспартам з тэрмінам эксплуатацыі да 10 гадоў. Да канца года плануецца набыць яшчэ 21 школьны аўтобус.
Усе школы абсталяваны сістэмамі відэаназірання.
Кіраўнік вобласці падкрэсліў, што Пашпарты гатоўнасці падпісаны і да новага навучальнага года ўсе ўстановы адукацыі гатовы.
Акрамя таго, вядзецца будаўніцтва дзвюх новых школ - у Асіповічах і Магілёве.
Звяртаючыся да педагогаў, Анатоль Ісачанка падзяліўся меркаваннем, што якасную адукацыю задае якасць жыцця чалавека: «У гэтым і ёсць залог фарміравання пісьменнага, ініцыятыўнага, сумленнага грамадзяніна, гатовага жыць і працаваць на карысць сваёй краіны. І гэта важна заўжды, гэта аснова дзяржавы.
Павышэнне эфектыўнасці работы навучальных устаноў і кожнага педагога - гэта галоўная задача для нас усіх.
Бо на нас усіх, асабліва на настаўніках, ляжыць персанальная адказнасць за тое, як складзецца жыццё кожнага вучня.
Сёння мала даць толькі веды. Трэба выгадаваць сапраўднага грамадзяніна, патрыёта, навучыць яго правільна думаць і выказваць сваё меркаванне.
І пачынаць неабходна з ранняга дзяцінства. Да заканчэння школы гэта павінен быць здаровы, усебакова развіты, падрыхтаваны да дарослага жыцця малады чалавек, здольны адказваць не толькі за сябе, але і за сваю сям'ю, за будучыню сваёй краіны!».
Напярэдадні новага навучальнага года Анатоль Ісачанка выказаў словы падзякі ўсім выкладчыкам і кіраўнікам навучальных устаноў за адданасць прафесіі, адказнасць і ініцыятыву. А таксама пажадаў усім удзельнікам канферэнцыі паспяховай і плённай працы, моцнага здароўя і ўпэўненасці ў заўтрашнім дні.
Прыемным бонусам стала ўручэнне заслужаных узнагарод ад Магілёўскага аблвыканкама.
Ганаровай граматай Магілёўскага аблвыканкама ўдастоены настаўнік біялогіі Магілёўскага дзяржаўнага абласнога ліцэя №1 Людміла Гетманава, настаўнік абслугоўваючай працы Кадзінскай сярэдняй школы Магілёўскага раёна Алена Заблоцкая, намеснік дырэктара па вучэбнай сярэдняй школе №1 імя Героя Савецкага Саюза ПА. Крываноса г. Клічава Алена Коўрык.
Падзяка Магілёўскага аблвыканкама ўручана настаўніку беларускай мовы і літаратуры сярэдняй школы №2 г.п. Хоцімска Таццяне Мірошнікавай, дырэктару Магілёўскага абласнога цэнтра карэкцыйна-развіваючага навучання і рэабілітацыі Алене Мазалоўскай, настаўніку біялогіі Магілёўскага дзяржаўнага абласнога ліцэя № 3 Юліі Шайтанавай, настаўніку фізікі Магілёўскага дзяржаўнага абласнога ліцэя № 1 Валерыю Барашкову.
Галіна Гаўрыловіч, фота аўтара
Пры выкарыстанні матэрыялаў актыўная гіперспасылка на mogilev-region.gov.by абавязковая
02.04.2025 - 12:40
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га
26.03.2025 - 09:59
Прамую тэлефонную лінію 29 сакавіка правядзе ў Магілёўскім аблвыканкаме Генадзь Дзенгалёў
25.03.2025 - 12:19