Анатоль Маркевіч на акцыі «Бялынічы - культурная сталіца 2024»: гэтая зямля вартая прыняць такі статус

Бялыніцкая зямля варта прыняць такі статус. Такое меркаванне выказаў міністр культуры Анатоль Маркевіч падчас адкрыцця рэспубліканскай акцыі «Бялынічы - культурная сталіца Беларусі 2024».

«Мы радуемся за нашых калег, за нашую сумесную працу. Гэта зямля падарыла шмат людзей, вядомых не толькі ў Беларусі, але і за яе межамі: цудоўныя мастакі, тэатральныя дзеячы. У Бялыніцкім раёне цудоўныя краявіды, якія даюць імпульс для нашых творцаў, якія ствараюць цудоўныя творы мастацтва, музыкі, - падзяліўся ён. - Калі выбіралі адрас для культурнай сталіцы, зразумелі - гэтая зямля вартая прыняць такі статут».

Анатоль Маркевіч падкрэсліў важнасць адкрыцця культурнай сталіцы. «У нас ужо ёсць канкрэтны план дзеянняў: тут адбудуцца розныя выставы, канцэртныя праграмы, сустрэчы з вельмі цікавымі людзьмі. Я ўпэўнены, што цягам года пра Бялынічы будуць пісаць нашы газеты, іншыя сродкі масавай інфармацыі, - сказаў ён. - Самае галоўнае - каб людзі адчулі да сябе ўвагу».

Міністр культуры адзначыў, што кожны рэгіён у нашай краіне мае сваю ўнікальную гісторыю, традыцыі. «І мы мусім дзяліцца гэтым з нашымі жыхарамі і гасцямі. Я ўпэўнены, што кожны атрымае задавальненне і забярэ з сабой часцінку сардэчнасці, якой вядомыя беларусы», - падсумаваў ён.

«Культурная сталіца Беларусі» - ганаровае пераходзячае званне. Акцыя праводзіцца Міністэрствам культуры з 2010 года і ўжо рэалізавана ў 15 гарадах.

БЕЛТА