Андрэй Кажамякін узначаліў Слаўгарадскі раён

Старшыня Магілёўскага аблвыканкама Анатоль Ісачанка прадставіў актыву і дэпутатам Слаўгарадскага раёна новага старшыню райвыканкама Андрэя Кажамякіна.

Дэпутаты райсавета на пазачарговай сесіі зацвердзілі яго на пасадзе.

Андрэй Віктаравіч нарадзіўся 19 студзеня 1975 года ў г. Мазыр Гомельскай вобласці. Паступіў у Беларускую сельскагаспадарчую акадэмію, якую скончыў у 1997 годзе па спецыяльнасці «Аграномія».

У 2006 годзе скончыў Акадэмію кіравання пры Прэзідэнце Рэспублікі Беларусь.

Сваю працоўную дзейнасць пачаў начальнікам вытворчага ўчастка калгаса «Камманіфест» Магілёўскага раёна. Пасля працаваў аграномам-насенняводам калгаса «Ленінскі шлях» Касцюковіцкага раёна, галоўным аграномам.

Працоўны шлях працягнуў у якасці старшага агранома калгаса імя Заслонава Магілёўскага раёна.

У 2001 годзе прыняты на працу галоўным аграномам-насенняводам аддзела інтэнсіфікацыі раслінаводства камітэта па сельскай гаспадарцы і харчаванні аблвыканкама, праз 20 гадоў узначаліў яго.

slavgorod.by