Арганізацыі Магілёўскай вобласці азнаёмяць з перспектыўнымі навукова-тэхнічнымі распрацоўкамі на біржы дзелавых кантактаў

Устойлівае функцыянаванне прадпрыемстваў у значнай меры вызначаецца іх апорай на перадавыя навукова-тэхнічныя рашэнні і выкарыстанне інавацыйных распрацовак.

З мэтай павышэння эфектыўнасці ўзаемадзеяння арганізацый Магілёўскай вобласці з установамі навукова-даследчага сектара 14 кастрычніка будуць праведзены кангрэсныя мерапрыемствы біржы дзелавых кантактаў «Перспектыўныя навукова-тэхнічныя распрацоўкі і інавацыйнае развіццё рэгіёнаў».

Арганізатар–Дзяржаўны камітэт па навуцы і тэхналогіях Рэспублікі Беларусь, рэспубліканскае ўнітарнае прадпрыемства «Цэнтр навукова-тэхнічнай і дзелавой інфармацыі».

Мерапрыемствы, якія пройдуць з 11.00 да 14.00 у рэжыме анлайн-відэаканферэнцыі, будуць нацэлены на асвятленне навацый у галіне матэрыялаў для будаўніцтва і будаўнічых тэхналогій, прапанаваных для выкарыстання арганізацыямі Магілёўскай вобласці.

Удзел бясплатны. Зацікаўленым спецыялістам спатрэбіцца толькі ўключыць камп’ютар і са свайго працоўнага месца па прадстаўленым арганізатарамі паролі падключыцца да інтэрнэт-сеткі, у якой будуць транслявацца мерапрыемствы.

Ажыццявіць рэгістрацыю спецыялістаў для ўдзелу ў мерапрыемствах і атрымаць дадатковую інфармацыю пра іх можна па любым з наступных рэквізітаў:

+375 232 506 713 – факс (Старавойтаў Аляксандр Сямёнавіч)

+375 232 506 719 – тэл. / факс (Парамонава Таццяна Валер’еўна)

Адрас электроннай пошты: mail@cntdi.gomel.by.