Астанкі расіяніна - радавога Фёдара Ігнатавіча Біндзюкова, ураджэнца Бахчысарайскага раёна, 11 красавіка, у Міжнародны дзень вызвалення вязняў фашысцкіх канцлагераў, перададуць прадстаўнікам Крымскай Рэспубліканскай асацыяцыі грамадска-пошукавых арганізацый «Айчына». Урачыстая цырымонія адбудзецца ля мемарыяльнага комплексу «Ахвярам фашызму», размешчаным на тэрыторыі Бабруйскай крэпасці.
Героя, які загінуў пры абароне Бабруйска ў 1941 годзе, з ушанаваннямі пахаваюць у яго на Радзіме.
- Астанкі чырвонаармейца знайшлі падчас будаўнічых работ у раёне чыгуначнага моста праз Бярэзіну. Разам з імі - фрагменты адзення і асабістыя рэчы байца: эбанітавы медальён, лязо для галення, металічны ключ, кулон, - удакладняе начальнік аддзела ідэалагічнай работы і па справах моладзі Бабруйскага гарвыканкама Вераніка Вільчык. - У капсуле знаходзілася запіска з дадзенымі салдата, якую адправілі на экспертызу ва ўпраўленне Узброеных Сіл па ўвекавечанні памяці абаронцаў Айчыны і ахвяр войн. Эксперты ўстанавілі, што яна напісана чарнілам, а не алоўкам, з-за чаго ўзніклі цяжкасці з чытаннем. Але дзякуючы сучаснай тэхніцы ўсё ж удалося ўстанавіць імя байца.
Фёдару Біндзюкову на момант гібелі быў усяго 21 год. Байцы бабруйскага пошукавага атрада «Абеліск» пад кіраўніцтвам Сяргея Поразава адшукалі ў Рэспубліцы Крым, на радзіме салдата - у Бахчысарайскім раёне - пляменніцу Фёдара Ігнатавіча. Яна і папрасіла, каб астанкі дзядзькі, які не вярнуўся з фронту, перадалі дадому.
Як удакладнілі ў Бабруйскім гарвыканкаме, пакуль ішлі перамовы з расіянамі аб перадачы астанкаў Фёдара Біндзюкова, высветлілася, што пад Феадосіяй знайшлі загінуўшага героя, які родам з Магілёўскай вобласці. Салдаценка Рыгор Аксёнавіч, 1918 года нараджэння, ураджэнец Клімавіцкага раёна, да гэтага часу лічыўся прапаўшым без вестак. Яго маці Марыя Рыгораўна шмат гадоў шукала звесткі пра сына. І вось зараз яго астанкі прывязуць на Радзіму, у Беларусь.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.04.2024 - 09:29
Першы, створаны на Магілёўшчыне партызанкай, школьны музей баявой славы
20.03.2024 - 09:30
Школьны музей у Крычаўскай СШ №3 расказвае пра Вялікую Айчынную вайну
16.02.2024 - 09:31
Чым вызначыўся Асіповіцкі раён падчас Вялікай Айчыннай вайны
15.02.2024 - 10:05
25.01.2024 - 11:21
24.01.2024 - 16:27