Маладыя хлопцы прыбылі на магілёўскую зямлю ў 1941 годзе і засталіся тут назаўжды

У Быхаўскім раёне завяршылася Міжнародная пошукавая экспедыцыя «Дняпроўскі рубеж-2025». Разам з клубам «ВІККРУ», 52-м спецбатальёнам Міністэрства абароны Беларусі ў раскопках упершыню бралі ўдзел два атрады з Казахстана.

З небыцця праз 80 гадоў пасля заканчэння вайны вяртаюцца наступныя імёны 5 байцоў, ураджэнцаў пяці рэспублік былога СССР, якія прыбылі ў 1941 годзе на Магілёўшчыну і засталіся тут назаўжды:

ДЫЎЛЯ(А)ТАЎ Шамсі, чырвонаармеец, 1920 г.н. Ураджэнец УзССР Бухарскай вобл. г. Гіджыван, Гіджыванскі р-н, Сахібян с/савет, в. Варашылава. Адрас сям'і той жа;

Цімохін Міхаіл Васільевіч, чырвонаармеец, 1919 г.н. Ураджэнец Тамбоўскай (цяпер Пензенскай) вобл. Чамбарскага (цяпер Бялінскага) р-на, с. Валчаўрак. Сувязіст 338 сп 187 сд. Прызваны 02.02.1940 г. Узбекістанскім РВК, УзССР, Ферганскай вобл. Сястра: Івашкіна Таццяна Васільеўна, п. Крахча, Усць-Камчацкі р-н, Камчацкай вобл. (шукала ў 1964 г.);

ЧАРНЫ Рыгор (Гірш — у медальёне) Ісакавіч, 1917 г.н., прызваны РВК г. Мінска. Сувязіст 338 сп 187 сд, Дом. адрас па медальёне: г. Мінск, вул. Акольная, д.3, кв.2. Ураджэнец г.п. Беразіно Магілёўскай вобл. Сястра Чарная Клара Ісакаўна, г. Мінск, вул. Падгорная-3, кв.2 (шукала ў 1946 г.);

К(Х)АРЫМУЛІН Касім, яфрэйтар. Ураджэнец РСФСР, Татарская АССР, Казанская вобл., Цюльчынскі р-н, Шаткінскі с/савет, с. Шаткі;

ШАВЕЛЬ Рыгор Пятровіч, УССР, Чарнігаўская вобл. Кулікоўскі р-н, сяло Хібалаўка.

Цяпер пошукавікі «ВІККРУ» праводзяць актыўны вышук сваякоў воінаў РСЧА, якія загінулі на берагах Дняпра ў 1941 годзе. Будзем удзячныя ўсім, хто зможа аказаць дапамогу ў вышуку сваякоў байцоў, якія загінулі на магілёўскай зямлі.

ТРК «Магілёў»