Рус Бел Eng 中文

Аўтарытэт мясцовых органаў улады шмат у чым залежыць ад інфармацыйнай працы саміх кіраўнікоў і дзяржаўных СМІ – Кацярына Музычэнка

Аўтарытэт мясцовых органаў улады шмат у чым залежыць ад інфармацыйнай працы саміх кіраўнікоў і дзяржаўных СМІ. На гэта звярнула ўвагу, выступаючы на выніковай калегіі галоўнага ўпраўлення ідэалагічнай работы і па справах моладзі аблвыканкама, яго начальнік Кацярына Музычэнка.

«Сучасныя масмедыя аказваюць вялікі ўплыў на фарміраванне грамадскай думкі і палітычных настрояў у грамадстве, – падкрэсліла яна. – Таму задача дзяржорганаў – арганізаваць працу ў інфармацыйнай прасторы такім чынам, каб супрацьстаяць дэструктыўнаму ўплыву, весці паўнавартасны дыялог насельніцтва і ўлады, чуць запыты розных сацыяльных груп».

Кацярына Музычэнка звярнула ўвагу: паводле сацдаследаванняў, 58,7% насельніцтва чэрпае звесткі аб дзейнасці мясцовых органаў улады са СМІ (тэлебачанне, газеты, радыё). Трэць апытаных жыхароў атрымлівае інфармацыю са зносін з іншымі людзьмі, кожны пяты – з выступленняў службовых асоб у працоўных калектывах. «Улічваючы той факт, што давер да дзяржаўных крыніц у насельніцтва высокі, мы проста абавязаныя ствараць і развіваць мультымедыйную прастору», – канстатавала начальнік галоўнага ўпраўлення.

Сёння ў мясцовых СМІ вобласці працуе больш за 400 чалавек. У мэтах фарміравання медыяпісьменнасці і практыка арыентаванага асяроддзя для будучых журналістаў, абмену вопытам карэспандэнцкіх кадраў традыцыйна праводзяцца семінары. Сёлета на базе інфармагенцтва «Магілёўскія ведамасці» будзе створана Студыя «PRO Медыя», якая стане сучасным навучальным цэнтрам па павышэнні кваліфікацыі журналісцкіх кадраў рэгіёна, прэс-службаў, а таксама пляцоўкай для трэнінгаў і майстар-класаў.

Паводле слоў Кацярыны Музычэнка, з году ў год адзначаецца стабільна высокая роля рэгіянальных СМІ Магілёўшчыны, якія па сваёй запатрабаванасці і папулярнасці сярод жыхароў рэгіёна значна – амаль на 60 тыс.асобнікаў – перавышаюць тыраж асноўных рэспубліканскіх газет, якія распаўсюджваюцца ў вобласці. Па выніках 2019 года ўласныя даходы рэдакцый дзяржаўных газет перавысілі ўзровень 2018 года на 4,8%. Працягваецца праца па манетызацыі інтэрнэт-рэсурсаў. Ад размяшчэння рэкламы на сайтах рэдакцый атрыманы дадатковы даход каля Br150 тыс.

Кацярыны Музычэнка заўважыла, што сярэднеразовыя тыражы рэгіянальных выданняў падаюць. Аднак гэта адбываецца пры прыкметным росце наведвальнікаў інтэрнэт-рэсурсаў СМІ, адпаведна, павялічваецца колькасць атрымальнікаў дзяржаўнай інфармацыі. У мінулым годзе пачалі працу абноўленыя версіі сайтаў мсціслаўскай, чэрыкаўскай, шклоўскай, дрыбінскай, клічаўскай, слаўгарадскай, хоцімскай рэдакцый. Усе парталы рэгіянальных СМІ аснашчаны модулем адлюстравання ў мабільнай версіі, а таксама версіяй для слабавідушчых.

Пры выкарыстанні матэрыялаў актыўная гіперспасылка на mogilev-region.gov.by абавязковая