«Бабруйскаграмаш» паставіць больш за 20 адзінак тэхнікі на Мадагаскар

«Бабруйскаграмаш» паставіць 24 адзінкі тэхнікі на Мадагаскар, паведамілі на прадпрыемстве.

Кіраўніцтва холдынгу «Бабруйскаграмаш» на чале з генеральным дырэктарам Віктарам Філатавым наведала Рэспубліку Мадагаскар. Падчас візіту адбылася сустрэча з кіраўніком кампаніі Bemaco, якім з'яўляецца Рыяна Салафо Лала.

Адным з важных вынікаў сустрэчы стала падпісанне чарговага кантракта на пастаўку 24 адзінак тэхнікі «Бабруйскаграмаша» (плугоў навясных, барон дыскавых, сеялак пнеўматычных універсальных) на Мадагаскар. Адгрузка прадукцыі ў рамках гэтага кантракта запланавана ў бягучым квартале.

Таксама пры непасрэдным удзеле кіраўніка Bemaco прайшлі сустрэчы прадстаўнікоў «Бабруйскаграмаша» з кіраўнікамі сельгаспрадпрыемстваў і фермерскіх гаспадарак гэтай краіны.

Па выніках перагавораў ужо ў бліжэйшай перспектыве плануецца пашырыць наменклатуру беларускай тэхнікі, якая пастаўляецца ў Рэспубліку Мадагаскар, у тым ліку і новых узораў плугоў, сеялак, прычэпаў і барон.

Кампаніі Bemaco быў уручаны сертыфікат на падаўжэнне статусу афіцыйнага дылера «Бабруйскаграмаша» на 2023 год.

ААТ «Кіруючая кампанія холдынгу «Бабруйскаграмаш2» з'яўляецца адным з найбуйнейшых вытворцаў сельскагаспадарчых машын і прыстасаванняў у краінах Усходняй Еўропы. Прадпрыемства працуе на рынку сельскагаспадарчай тэхнікі з 1974 года. Асартымент прадукцыі налічвае больш за 150 найменняў. На сённяшні дзень тэхніка холдынгу пастаўляецца больш як у 50 краін свету.

БЕЛТА