Сезон восеньскіх сельскагаспадарчых кірмашоў стартуе ў Магілёве і Бабруйску 27 верасня

Сезон восеньскіх сельскагаспадарчых кірмашоў стартуе 27 верасня ў Магілёве і Бабруйску. Пра гэта расказала начальнік аддзела арганізацыі гандлю і паслуг галоўнага ўпраўлення гандлю і паслуг Магілёўскага аблвыканкама Алена Куканькова.

У Магілёве першыя кірмашы пройдуць 27 і 28 верасня адразу на дзвюх пляцоўках: у мікрараёне Саломінка на тэрыторыі, прылеглай да гандлёвага цэнтру «Форум» па вуліцы Крупскай, 119, а таксама ў раёне парка атракцыёнаў па праспекце Пушкінскім, 1. У Бабруйску ў гэтыя ж выхадныя.

Пакупнікам прапануюць шырокі асартымент садавінагароднінай, мясной і малочнай прадукцыі, рыбу, мёд, прадукты пчалярства, саджанцы. У гандлі прымуць удзел сельгасвытворцы вобласці і фермерскія гаспадаркі, прадпрыемствы мяса-малочнай галіны і сістэмы спажыўкааперацыі, а таксама індывідуальныя прадпрымальнікі і фізічныя асобы.

— У Магілёўскай вобласці з верасня па лістапад запланавана работа не менш як 160 сельскагаспадарчых кірмашоў. Графікі правядзення кірмашоў распрацаваны і зацверджаны ва ўсіх раёнах вобласці, іх можна знайсці на афіцыйным сайце аблвыканкама. Дарэчы, у рэгіёне гандаль сельгаспрадукцыяй пачаўся ўжо з 6 верасня - кірмашы адкрыліся ў Краснапольскім, Кіраўскім, Крычаўскім і Асіповіцкім раёнах, - расказала Алена Куканькова.

Юлия Подольская, СБ