«Бабруйскаграмаш» умацоўвае супрацоўніцтва з Турцыяй

«Бабруйскаграмаш» з працоўным візітам наведалі прадстаўнікі турэцкай кампаніі Irtem Tarim Makinalari A.S., паведамілі ў холдынгу.

Гасцей азнаёмілі з вытворчымі магутнасцямі прадпрыемства і асартыментам сельскагаспадарчай тэхнікі.

У ходзе перагавораў бакі падвялі вынікі сумеснай работы за мінулы перыяд, абмеркавалі пытанні імпарту камплектуючых для пасяўной тэхнікі з Турцыі, а таксама новыя магчымасці для прасоўвання прадукцыі «Бабруйскаграмаша» на турэцкім рынку.

Супрацоўніцтва паміж «Бабруйскаграмашам» і турэцкай кампаніяй Irtem Tarim Makinalari A.S., распачатае ў 2020 годзе, уключае двухбаковыя пастаўкі тэхнікі і камплектуючых, а таксама характарызуецца вельмі паспяховым узаемадзеяннем.

БЕЛТА