Бабруйскі завод трактарных дэталяў і агрэгатаў устанавіў рэкорд Беларусі па вытворчасці колавых дыскаў

Бабруйскі завод трактарных дэталяў і агрэгатаў, які ўваходзіць у склад «МТЗ-Холдынгу», занесены ў Кнігу рэкордаў Рэспублікі Беларусь, паведамілі на прадпрыемстве.

На БЗТДіА праінфармавалі:

- Наш завод афіцыйна занесены ў Кнігу рэкордаў Беларусі за самую вялікую колькасць колавых дыскаў да трактароў і сельгастэхнікі. Сертыфікат атрыманы за выпуск 5,73 мільёна такіх колавых кружэлак. Дарэчы, мы плануем пашыраць вытворчасць, укараняць інавацыі і распрацоўваць новыя тыпапамеры колаў дыскавых для рознай сельскагаспадарчай тэхнікі.

Бабруйскі завод трактарных дэталяў і агрэгатаў заснаваны ў жніўні 1945 года, калі ў горадзе было пачата будаўніцтва машынна-трактарнай майстэрні на базе Целушскай МТМ. На выпуск аўтатрактарных запчастак прадпрыемства было пераарыентавана ў 1959 годзе. У 1972-м Бабруйскі завод ТДіА ўвайшоў у склад створанага ў рэспубліцы вытворчага трактарабудаўнічага аб'яднання. У 2007-м з канвеера сышоў першы бабруйскі трактар. У цяперашні час Бабруйскі завод трактарных дэталяў і агрэгатаў вырабляе трактары BELARUS мадэляў 311/320/422/622, камунальную тэхніку і навясное абсталяванне, а таксама запасныя часткі і дыскавыя колы.

СБ