Беларусь заўсёды была ўзорам міру, стабільнасці і бяспекі – дэпутат

Беларусь заўсёды была ўзорам міру, стабільнасці і бяспекі. На гэта звярнула ўвагу дэпутат Палаты прадстаўнікоў Святлана Шутава падчас сустрэчы Магілёўскай гарадской арганізацыі ГА «Беларускі саюз жанчын» з працоўным калектывам ААТ «Стужка» ў Магілёве.

«Беларусь заўсёды была ўзорам міру, стабільнасці і бяспекі, і нам трэба захаваць гэта. За апошні час мы з вамі ў поўнай меры адчулі, які далікатны свет вакол нас. І беларускія жанчыны не могуць заставацца ў баку ад таго, што адбываецца, – адзначыла Святлана Шутава. – Важна памятаць, што ў сучасным свеце любы пункт гледжання трэба ўмець выказваць мірна і без гвалту, не падвяргаючы небяспецы навакольных. Лёс краіны нельга вырашаць на вуліцах».

Разам са Святланай Шутавай і старшынёй гарадской арганізацыі БСЖ Алай Багаценка супрацоўніцы «Стужкі» абмеркавалі сітуацыю, якая склалася ў краіне, і актуальныя праблемы.

«У вялікім багацці інфармацыі, якая паступае цяпер з самых розных крыніц, вельмі складана арыентавацца. Але да ўсяго трэба падыходзіць з халоднай галавой і крытычным поглядам, – падкрэсліла Ала Багаценка. – Нельга дапускаць расколу ў грамадстве».

БЕЛТА