Беларускі цэментны завод выпусціў 33 млн. тон цэменту

33 млн т цэменту выпусціў Беларускі цэментны завод у Касцюковічах, адно з прадпрыемстваў холдынгу «Беларуская цэментная кампанія», з моманту пуску завода - за 27 гадоў сваёй працы. Пра гэта паведамілі ў БЦК.

У 2023 годзе на заводзе вырабілі 2002000 т цэменту, а ў бягучым годзе ўжо выпушчана 922 тыс. т.

«Аб'ёмы вытворчасці прадукцыі істотна павялічыліся за апошнія некалькі гадоў: з 2021 года выпуск цэменту склаў амаль 7 млн т», - адзначылі ў холдынгу.

Сёння на Беларускім цэментным заводзе працуюць дзве лініі па вытворчасці цэменту сухім спосабам, колькасць работнікаў - 1553 чалавекі.

БЕЛТА