«Белшына» папоўніла лінейкі грузавых і індустрыяльных шын

Лінейкі грузавых і індустрыяльных шын бабруйскай «Белшыны» папоўніліся на адзінку кожная, паведамілі на заводзе.

Як было падкрэслена, ААТ «Белшына» пастаянна працуе над укараненнем у вытворчасць новых лінеек і тыпаразмераў шын, паколькі для кожнага прадпрыемства, якое развіваецца, важна пашыраць асартымент выпускаемай прадукцыі, тым самым павялічваючы аб'ём продажаў. Так, таварны партфель прадпрыемства папоўніўся грузавы суцэльнаметалакорднай шынай BEL-538 і індустрыяльнай шынай BEL-305.

Новая грузавая шына прызначаная для эксплуатацыі на прычапных восях грузавых аўтамабіляў. На прадпрыемстве ўдакладнілі, што новы малюнак пратэктара дарожнага тыпу забяспечвае раўнамерны знос і падвышаную эксплуатацыйную ходнасць шыны.

Што да індустрыяльнай навінкі, гэтыя шыны будуць эксплуатавацца на пагрузчыках, бульдозерах і грэйдэрах пры тэмпературы навакольнага асяроддзя ад мінус 55 да плюс 55 градусаў. Малюнак пратэктара шыны забяспечвае высокую супраціўляльнасць парэзам ва ўмовах працы на жвіровых дарогах і камяністым пакрыцці. Больш за тое, малюнак і склад гумавай сумесі пратэктара арыентаваны на працу шыны ў цяжкіх умовах: кар'ерах, рудніках, горных распрацоўках і шахтах.

БЕЛТА