Больш за 60 адзінак тэхнікі і 145 дворнікаў: камунальныя службы Магілёва ўзмацнілі работу па ўборцы снегу

Камунальныя службы Магілёва ўзмацнілі працу па ўборцы снега ў горадзе. Сёння задзейнічана больш за 60 адзінак тэхнікі і 145 дворнікаў. Пра гэта расказаў дырэктар Магілёўскага гарадскога камунальнага унітарнага дарожна-маставога прадпрыемства Мікалай Харц.

«У апошнія дні ў горадзе ўзмацніліся снегапады. Сёння ў Магілёве працуе 61 адзінка снегаўборачнай тэхнікі. Гэта пагрузчыкі, трактарныя шчоткі з паліцамі, камбінаваныя дарожныя машыны, самазвалы, грэйдэры. Таксама ва ўборцы снегу задзейнічаны 145 дворнікаў, 18 грузчыкаў. Сфарміравалі 4 брыгады з дарожных працоўных, якія займаюцца расчысткай усходаў, мастоў і пуцеправодаў», - распавёў дырэктар прадпрыемства.

Па словах Мікалая Харца, моцны снег у горадзе працягнецца да абеду. «Наша галоўная мэта - правесці хуткую і якасную ўборку ў горадзе. Бо па прагнозах сіноптыкаў плюсавая тэмпература пачне змяняцца марозам ужо да вечара. А таму асаблівую ўвагу ўвагу пры расчыстцы горада ўдзяляем прыпыначным пунктам і лесвіцам, - расказаў ён. - Стаіць задача паспець прыбраць снег да канца дня. Усе працуюць ва ўзмоцненым рэжыме».

БЕЛТА