Больш за 90% асоб, у якіх з моманту вакцынацыі супраць COVID-19 прайшло 6 і больш месяцаў, атрымалі бустэрную дозу ў Магілёўскай вобласці

Па стане на 22 лютага скончаны курс першаснай вакцынацыі прайшлі 702 тысячы чалавек (амаль 73% насельніцтва), з іх больш за 22 тысячы - дзеці. Першым бустэрам ахоплены 635 тысяч чалавек (больш за 90% асоб, у якіх з моманту апошняй вакцынацыі прайшло 6 і больш месяцаў). З пачатку года ў рэгіёне распачата кампанія другой бустэрнай вакцынацыі, якую ўжо атрымалі 140 тысяч чалавек. Аб гэтым паведамілі ў Магілёўскім цэнтры гігіены, эпідэміялогіі і грамадскага здароўя.

Для першаснай вакцынацыі ў Магілёўскай вобласці даступныя: «Спадарожнік Лайт» і «Гам-Ковід-Вак» I і II кампаненты (пр-ць РФ), а таксама «Sinopharm» (пр-ць КНР). Для правядзення бустэрнай: «Спадарожнік Лайт», «Гам-Ковід-Вак» I і II кампаненты, «Sinopharm», а таксама «Зберана плюс СТ» (выт. Рэспубліка Куба).

- Што да каранавіруснай інфекцыі, сітуацыя цалкам стабільная і кантралюемая, паказчык захворвання на ўзроўні папярэдняга тыдня. А дзякуючы кампаніі імунізацыі насельніцтва супраць COVID-19, якая праводзіцца, у лячэнні ў стацыянары маюць патрэбу адзінкі, - адзначыў загадчык аддзела эпідэміялогіі Магілёўскага аблЦГЭіГЗ Максім Саковіч.

mogilevnews.by