Больш за Br232 млн. паступіла ў бюджэт Бабруйска за 2019 год

За 2019 год у кансалідаваны бюджэт Бабруйска паступіла Br232,2 млн. Даходы бюджэту ў параўнанні з 2018-м павялічыліся на 8,3%, або Br17,9 млн. у фактычным вылічэнні. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.

Удзельная вага плацяжоў арганізацый у агульнай суме паступленняў за 2019 год склала 89,7%, або Br208,4 млн. Індывідуальнымі прадпрымальнікамі ў бюджэт выплачана Br12,7 млн. (5,5%), паступленні ад фізічных асоб склалі Br11,1 млн. (4,8%).

Асноўнымі бюджэтаўтваральнымі крыніцамі ў мінулым годзе з’яўляліся: падаходны падатак з фізічных асоб–37,7%, акцызы–13,1%, ПДВ–10,8%, падатак на прыбытак – 6,4%, падатак на нерухомасць – 6,3%, падатак пры спрошчанай сістэме падаткаабкладання – 4,5%, зямельны падатак – 4,5%.

Па стане на 1 студзеня 2020 года на ўліку ў інспекцыі МПЗ па Бабруйску было 57 169 плацельшчыкаў, з іх: 2 494 арганізацыі, 5 324 індывідуальныя прадпрымальнікі і 49 351 фізічная асоба. У параўнанні з пачаткам 2019-га колькасць плацельшчыкаў павялічылася на 4 404, у тым ліку: арганізацый – на 21, індывідуальных прадпрымальнікаў – на 316, фізічных асоб – на 4 067.

У пяцёрку лідараў, якія ўнеслі найбольшы ўклад у бюджэт, увайшлі: ЗАТ «Бабруйскі бровар», СТАА «Аазіс Груп», Бабруйскае дзяржаўнае прадпрыемства «Водаканал», ААТ «Чырвоны харчавік», філіял «Бабруйскі гандлёвы цэнтр “Карона”». Удзельная вага плацяжоў, якія паступілі ад іх,склала 28,5% у агульных фінансавых уліваннях у гарадскі бюджэт.