Стваральная праца ў пашане
Віктар Бурдзялёў, прараб Касцюковіцкай ПМК-260:
- Наша перасоўная механізаваная калона будуе жыллё, сацыяльна значныя аб'екты ўжо больш за 60 гадоў. Дзякуючы вопытнаму кіраўніку Пятру Ермашкевічу створаны выдатны калектыў, які бярэцца за самыя складаныя і амбіцыйныя праекты. Удумайцеся - толькі за апошнія пяць гадоў у Касцюковічах пабудаваны новы ФАК, аўтазаправачная станцыя, Свята-Крыжаўздзвіжанскі храм, маладзёжны мікрараён, Палац культуры, які аб'яднаў пад адным дахам кінатэатр, дом рамёстваў і школу выяўленчых мастацтваў. Стараннямі нашых будаўнікоў з'явіліся аб'екты і ў іншых раёнах Магілёўскай вобласці: сярэдняя школа ў Крычаве, дзіцячы садок у Слаўгарадзе, пракуратура ў Чэрыкаве, жылы дом у Краснаполлі. Цяпер у родным горадзе ўзводзім 60-кватэрны дом, паліклініку ў Крычаве, рыбгас «Палуж» у Краснаполлі, занятыя на многіх іншых аб'ектах.
Калі даведаліся, што нашае прадпрыемства ўжо чацвёрты раз заносіцца на Рэспубліканскую дошку Гонару, для ўсяго калектыву, а гэта каля сотні чалавек, гэта стала сапраўдным падарункам напярэдадні Першага мая. Поспех будаўнічага прадпрыемства вызначае не толькі яго вытворчая база, сучасныя тэхналогіі, тэхніка, але і прафесіяналізм працоўных і адмыслоўцаў. У камандзе - моладзь і вопытныя кадры, склаліся цэлыя дынастыі. Нашы работнікі адчуваюць падтрымку ад арганізацыі - напрыклад, ПМК дае субсідыю на будаўніцтва жылля. Годная зарплата, добры сацпакет, нармальныя чалавечыя адносіны робяць калектыў моцным і згуртаваным. Такой камандзе любая будоўля па плячы.
Пры выкарыстанні матэрыялаў актыўная гіперспасылка на mogilev-region.gov.by абавязковая
14.03.2025 - 13:17
13.03.2025 - 14:43
12.03.2025 - 09:59
Валерый Малашка: новы склад Урада мае ўсе рэсурсы, каб апраўдаць давер кіраўніка дзяржавы
06.03.2025 - 09:19