«ЦАР» (Магілёў) – трохразовы чэмпіён Беларусі па пляжным футболе

У Кіраўску завешыўся суперфінал чэмпіянату Рэспублікі Беларусь па пляжным футболе сярод мужчынскіх каманд.

У фінальным матчы сустракаліся ПФК «ЦАР» (Магілёў) і ПФК «Шчучын». Матч атрымаўся насычаным на вострыя моманты, упартым: абодва спаборнікі былі моцныя. У першым перыядзе лік адкрылі шчучынцы. Каманда з Прыдняпроўскага краю, апантана падтрымліваючыся кіраўскай публікай, паколькі ў складзе большасць гульцоў з гэтага раённага цэнтра, нарошчвала абароты. Аднак забіць атрымалася толькі пад заслону другога перыяду – з пенальці гэта зрабіў Ягор Гардзецкі. Вырашальным стаў заключны перыяд, у якім гаспадары пляцоўкі ўсё ж зламалі супраціўленне «Шчучына». Наперад «ЦАР» выйшаў дзякуючы аўтаголу гасцей. Затым Іван Канстанцінаў дакладна выканаў штрафны ўдар. А пераможную кропку ў гульні паставіў Арцемій Дрозд – 4:1.

Такім чынам, каманда з Магілёўскай вобласці трэці раз запар стала чэмпіёнам краіны. У «Шчучына» таксама, як і ў мінулым годзе, – «срэбра». «Бронзу» заваявала каманда «Брэст-Волга», якая ў матчы за 3 месца адолела «Палессе» з Кобрына – 4:3. На пятым месцы – «Гроднааблспорт», які перайграў «ЭКАВЕР-ПРА» з Бабруйска – 6:4.

Пасля фінальнага матчу адбылася цырымонія ўзнагароджання, у якой прынялі ўдзел намеснік старшыні асацыяцыі «Беларуская федэрацыя футбола» і старшыня асацыяцыі «Федэрацыя пляжнага футбола Беларусі» Міхаіл Ботнікаў і намеснік старшыні Кіраўскага райвыканкама Таццяна Бяляўская.

kirovsk.by