Першы раённы фестываль сямейнага адпачынку і здаровага ладу жыцця «Чайны фэст» адбудзецца 19 чэрвеня ў аграгарадку Усход. Мерапрыемства прымеркавана да Года народнага адзінства, паведамілі ў Магілёўскім райвыканкаме.
«Даведацца сакрэты і асаблівасці заварвання гаючых травяных напояў дапамогуць гаспадары раённых аграсядзіб. У кожнага госця будзе магчымасць паўдзельнічаць у майстар-класах па падрыхтоўцы фірмовай гарбаты і прадэгуставаць яе ўнікальны смак, – падзяліліся суразмоўцы. – Акрамя таго, падчас фестывалю пройдзе вакальны конкурс «Песня майго жыцця», дзе збяруцца найлепшыя выканаўцы эстраднай песні, а аматары прыпевак зладзяць батл «Мы за чаем не скучаем».
Добры настрой удзельнікам і гасцям свята будуць ствараць творчыя калектывы цэнтралізаванай клубнай сістэмы Магілёўскага раёна.
У завяршэнні адбудзецца вясёлая танцавальная праграма «#Да сустрэчы на танцпляцоўцы».
Ред.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»