Да Дня інвалідаў у Слаўгарадзе адкрылі залу лячэбнай фізкультуры, а валанцёры наведалі адрасы дабра

Валанцёры атрада «Божыя кароўкі» са Слаўгарада прыйшлі з падарункамі ў аддзяленне сацыяльнай рэабілітацыі, абілітацыі інвалідаў і забеспячэння дзённага знаходжання для грамадзян пажылога ўзросту. Дабрачынную акцыю назвалі «Мы разам!».

Ужо пяць гадоў валанцёры супрацоўнічаюць з цэнтрам. На гэты раз хлопцы прывезлі падарункі. Сярод адрасоў дабра - школьнікі, якія па стане здароўя навучаюцца дома. Дырэктар сярэдняй школы №2 Леанід Качанаў лічыць, што прывучаць дзіця да добрых спраў трэба як мага раней. У гэты дзень не будзе лішнім нагадаць усім пра тое, што сярод нас жывуць людзі, якія заслугоўваюць не толькі спагады, але найперш дапамогі, забеспячэння іх правоў на годнае жыццё, працу і адпачынак.

Напярэдадні Дня інвалідаў выхаванцы Слаўгарадскага раённага цэнтра карэкцыйна-развіваючага навучання атрымалі доўгачаканы падарунак - сэнсарна-дынамічную залу пад назвай «Сава-нянька».

 СБ, фота slavgorod.by