Дабрачынная акцыя «Белай Русі» па падтрымцы медработнікаў стартавала ў Магілёўскай вобласці

Дабрачынная акцыя РГА «Белая Русь» па падтрымцы медработнікаў стартавала 9 красавіка ў Магілёўскай вобласці.

На яе першым этапе Магілёўскай абласной бальніцы № 1 перададзена больш за Br4 тыс. на закупку хірургічных камплектаў. Гэтыя дадатковыя сродкі абароны стануць неад’емным элементам экіпіроўкі медыцынскіх работнікаў пры кантакце з носьбітамі каранавіруснайінфекцыі і пацыентамі, якія знаходзяцца на стацыянарным назіранні як кантактуючыя з заражанымі.

«У такой няпростай эпідэміялагічнай сітуацыі наша арганізацыя праявіла ініцыятыву і аказала дапамогу медыцынскім работнікам, якія знаходзяцца на перадавых рубяжах у барацьбе з інфекцыяй, – падкрэсліў старшыня Магілёўскай абласной арганізацыі «Белая Русь» Аляксандр Гарошкін. – Грашовыя сродкі будуць збіраць нашы членскія арганізацыі. Па меры неабходнасці будзем пералічваць іх на закупку дэзсродкаў і сродкаў індывідуальнай абароны, неабходных медработнікам».

Грошай, выдзеленых на першым этапе акцыі, хопіць на набыццё больш за 100 хірургічных камплектаў. Заказ на іх пашыў выконвае адна са спецыялізаваных арганізацый абласнога цэнтра. Першая партыя вырабаў ужо накіравана ў абласную бальніцу, астатнія ахоўныя касцюмы паступяць ва ўстанову аховы здароўя ў найбліжэйшы час.

«Медыцынскія работнікі абавязкова павінны карыстацца спецвопраткай, і ёю мы забяспечаны ў дастатковай колькасці, – растлумачыў галоўны ўрач бальніцы Віктар Клачкоў. – Аднак каб падчас пандэміі COVID-19 гэта абарона мела належны эфект, адзенне неабходна апранаць на хірургічны касцюм. У гэтым выпадку нашы супрацоўнікі будуць адчуваць сябе яшчэ больш абароненымі пры кантактаванні з пацыентамі».

БЕЛТА