«Дай лесу новае жыццё!». Рэспубліканская добраахвотная акцыя праходзіць у Магілёўскай вобласці

Сёння старшыня Магілёўскага аблвыканкама Анатоль Ісачанка сумесна з кіраўнікамі структурных падраздзяленняў аблвыканкама, работнікамі Магілёўскага ДВЛГА і Чавускага лясгаса прынялі ўдзел у рэспубліканскай добраахвотнай акцыі «Дай лесу новае жыццё!», ініцыяванай Прэзідэнтам Беларусі Аляксандрам Лукашэнкам.

Як расказаў дырэктар Чавускага лясгаса Аляксандр Падабед, сёння на тэрыторыі Ваўковіцкага лясніцтва Чавускага лясгаса ў рамках акцыі «Дай лесу новае жыццё!» кіраўніцтвам Магілёўскага аблвыканкама, працаўнікамі Магілёўскага ДВЛГА і Чавускага лясгаса ў квартале 64 на плошчы 2,3 га высаджваюць 12 000 сеянцаў бярозы, елкі і хвоі.

– Усяго на тэрыторыі Чавускага лясгаса неабходна пасадзіць 170 га новых лясоў. Адзначу, што плошча пашкоджання суцэльнымі санітарнымі рубкамі на тэрыторыі лясгаса складае 526 га, - дадаў Аляксандр Падабед.

Старшыня Магілёўскага аблвыканкама Анатоль Ісачанка падкрэсліў: кожнае пасаджанае дрэва стане сімвалам клопату аб роднай Беларусі.

– Прыемна, што старт рэспубліканскай добраахвотнай акцыі «Дай лесу новае жыццё!» даў кіраўнік дзяржавы. Сёння кіраўнікі структурных падраздзяленняў аблвыканкама, работнікі лясной гаспадаркі далучыліся да такой добрай справы. Мы высаджваем сеянцы новага лесу для будучых пакаленняў, каб ім камфотна і ўтульна жылося ў нашай Беларусі, - адзначыў губернатар. – Магілёўшчына, як і іншыя рэгіёны Беларусі, падвергліся бурэламу. Каля 7 000 гектар лесу пацярпела. Таму наша задача - аднавіць гэтыя ўчасткі.

Так, удзел у акцыі прыняў член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін. Ён адзначыў, самае галоўнае багацце ў нашай краіне - лес, чыстае паветра і экалогія.

- І Беларусь славіцца гэтым.

Акцыя па высадцы лесу ў нас праводзіцца штогод. Сёння мы дапамагаем аднавіць тое, што было пашкоджана стыхіяй. Такія акцыі важныя і каштоўныя, бо разам мы аднаўляем нашае прыроднае багацце. Кожны чалавек павінен унесці свой уклад, каб пакінуць лес будучым пакаленням.

Я з радасцю сёння бяру ўдзел у гэтай акцыі. Гэта выдатная магчымасць правесці час на свежым паветры і ўнесці ўклад у агульную справу на карысць будучых пакаленняў, зрабіць родную зямлю больш прыгожай і чыстай, - сказаў сенатар.

Да акцыі «Дай лесу новае жыццё!» сёння далучылася і старшыня камітэта па працы, занятасці і сацыяльнай абароне Магілёўскага аблвыканкама Марыя Шапнеўская:

- З вялікім задавальненнем прымаю ўдзел у акцыі. Надвор'е цудоўнае, настрой добры, тым больш калі разумееш, што ты маеш дачыненне да такой важнай для краіны справы — пасадкі маладзенькіх дрэў, якія ў будучыні вырастуць у вялікі прыгожы лес.

Рэспубліканская добраахвотная акцыя «Дай лесу новае жыццё!» праходзіць у Беларусі з 12 кастрычніка па 12 лістапада. Яе мэта - аднаўленне ў лясных масівах ветравальна-бураломных участкаў, якія пацярпелі ад урагану.

mogilevnews.by