Дэманстрацыйны кластар зялёных энергетычных тэхналогій ствараецца ў Касцюковіцкім раёне

Біягазавы комплекс магутнасцю каля 1000 кВт пабудуюць у Касцюковіцкім раёне. У якасці сыравіны будзе выкарыстоўвацца гной ад малочна-таварных ферм, якія належаць даччынай кампаніі Беларускага цэментнага завода, і пасляспіртавая барда Касцюковіцкага спіртзавода.

Сухая барда выкарыстоўваецца ў якасці харчовай дабаўкі з высокім утрыманнем лёгказасваяльнага бялку для кармлення жывёл. Барду мяркуецца экспартаваць у Бранскую вобласць для прадпрыемстваў, якія займаюцца адкормам бычкоў для вытворчасці мармуровай ялавічыны.

Праект прадугледжвае стварэнне новых працоўных месцаў і вырашае экалагічныя праблемы. Электрычную энергію ад комплексу мяркуецца экспартаваць у сетку РУП Магілёўэнерга. Цяпер ідзе праектаванне аб’екта.

У Касцюковічах ужо працуюць тры фотаэлектрычныя станцыі агульнай электрычнай магутнасцю каля 4 МВт, пабудаваныя гэтай жа кампаніяй.

СБ