Для выезду за мяжу тэставанне на COVID-19 можна прайсці платна ў Мінску

Рэспубліканскі цэнтр гігіены, эпідэміялогіі і грамадскага здароўя праводзіць лабараторнае тэставанне на інфекцыю COVID-19 метадам палімеразнай ланцуговай рэакцыі ў рэжыме рэальнага часу (ПЛР) на платнай аснове, паведаміла намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан.

Лабараторныя даследаванні на інфекцыю COVID-19 праводзяцца для грамадзян, якія выязджаюць за межы Беларусі ў краіны, дзе патрабуецца афіцыйнае пацверджанне адсутнасці гэтай інфекцыі.

Кошт ПЛР-даследавання для рэзідэнтаў Беларусі складае Br41,38, для нерэзідэнтаў – Br56,63.

Пасля завяршэння тэставання выдаецца вынік лабараторнага даследавання на рускай і англійскай мовах.

БЕЛТА