Для ёлачных базараў лясгасы Магілёўскай вобласці рыхтуюць 15 тыс. навагодніх дрэў. У продаж яны паступяць арыенціровачна 20-21 снежня, паведаміў начальнік аддзела вытворчасці і рэалізацыі прадукцыі Магілёўскага дзяржаўнага вытворчага лесагаспадарчага аб’яднання Васіль Шык.

Пакупнікам прапануюць елкі і хвоі. Будуць і дрэвы ў кадках. Каштуюць яны традыцыйна даражэй, але і на гэты тавар знаходзяцца пакупнікі. Набыць навагоднія дрэвы можна будзе ў лясніцтвах і лясгасах вобласці, прычым танней, чым на ёлачных базарах.

Да масавага старту гандлю зялёнымі прыгажунямі застаўся месяц. А падрыхтоўка ўжо пачалася. Пункты продажу навагодніх дрэў лясгасы ўзгодняць загадзя. Рэкамендуемы кошт ялінкі вышынёй да 1 м – Br5,8 без ПДВ, ад 1 да 2 м – Br7,7, ад 2 да 3 м – Br15,9, удакладніў Васіль Шык.
З канца лістапада ў лясгасы пачнуць паступаць заказы ад арганізацый і прадпрыемстваў. Па іх заяўках даставяць вялікія елкі для навагодняга ўбрання вуліц.

Радыё Магілёў