«Дняпроўскі рубеж–2020»: пошукавая экспедыцыя моладзі пройдзе 14–20 верасня ў Чавускім і Слаўгарадскім раёнах

У Чавускім і Слаўгарадскім раёнах 14–20 верасня адбудзецца пошукавая экспедыцыя моладзі на месцах баёў у гады Вялікай Айчыннай вайны. Яе арганізуюць абласны цэнтр творчасці, Магілёўскі пошукавы клуб «Віккру» і 52-гі пошукавы батальён Узброеных Сіл Рэспублікі Беларусь, як перадае карэспандэнт сайта.

У экспедыцыі прыме ў удзел каля 50 чалавек – навучэнцы школ, студэнты, працоўная моладзь Магілёва, Мінска, Быхава, Чавус, Слаўгарада. Палявыя пошукавыя работы пройдуць у раёне вёсак Галавенчыцы, Сутокі Чавускага і Чырвоная Слабада, Папоўка, Добры Дуб Слаўгарадскага раёнаў.

Мэта экспедыцыі –пошук невядомых пахаванняў часоў вайны, устанаўленне лёсаў зніклых без вестак абаронцаў Айчыны, увекавечанне іх памяці на Магілёўшчыне і патрыятычнае выхаванне маладых людзей.