«Дзікая ферма» працуе ў Горацкім раёне

У Горацкім раёне паспяхова працуе «Дзікая ферма». Амаль круглы год каровы шатландскай абердзін-ангускай пароды знаходзяцца пад адкрытым небам.

24 гадзіны ў суткі і 9 месяцаў у годзе гэты чорны статак жыве на пойменных лугах. Гэта месца прапіскі кароў на тры сезоны. Зімой чорную жывёлу перавядуць у суседнюю ферму. А пакуль з раніцы і да вечара пры любым надвор’і жывёлы – на свежым паветры.

«Дзікая ферма»–гэта праект, які ўжо даказаў сваю эфектыўнасць. За тры гады пагалоўе чорнай жывёлы тут павялічылі амаль у тры разы. Пачыналі з 200, цяпер –600 галоў. З пачатку гэтага года ў статку з’явіліся на свет 162 цяляты. Умовы для жыцця і развіцця дыктуе сама прырода.

Да нядаўняга часу рэалізацыя мармуровага мяса на ўнутраным рынку прыбытку не прыносіла. Перапрацоўшчыкі куплялі чорна-стракатых быкоў і ангусаў па адной цане. Сёлета Бабруйскі мясакамбінат купляе мяса чорнай жывёлы даражэй на 3 працэнты. І гэта добры стымул для развіцця такой жывёлагадоўлі.

ТРК «Магілёў»