Дзяржузнагарод і Падзякі Прэзідэнта ўдастоены прадстаўнікі розных сфер дзейнасці Магілёўскай вобласці

Дзяржаўных узнагарод і Падзякі Прэзідэнта ўдастоена 90 прадстаўнікоў розных сфер дзейнасці. Адпаведныя ўказ і распараджэнне падпісаў Прэзідэнт Беларусі Аляксандр Лукашэнка, –паведамілі ў прэс-службе беларускага лідара.

Згодна з указам, ордэны, медалі і ганаровыя званні прысвоены 43 дзеячам розных сфер за шматгадовую плённую працу, высокі прафесіяналізм, узорнае выкананне службовых абавязкаў, актыўны ўдзел у грамадска-палітычным жыцці краіны, вялікі асабісты ўклад у аказанне высокакваліфікаванай медыцынскай дапамогі і ўкараненне новых медыцынскіх тэхналогій, значныя дасягненні ў дарожным будаўніцтве, заслугі ў развіцці сферы адукацыі, культуры і мастацтва.

У прыватнасці, ордэнам Пашаны ўзнагароджаны старшыня Магілёўскага гарвыканкама Уладзімір Цумараў. Медаля «За працоўныя заслугі» ўдастоены галоўны дзяржаўны санітарны ўрач Магілёўскай вобласці – галоўны ўрач Магілёўскага абласнога цэнтра гігіены, эпідэміялогіі і грамадскага здароўя Святлана Нячай, старшыня Бабруйскага гарвыканкама Аляксандр Студнеў, старшыня Магілёўскага райвыканкама Алег Чыкіда, старшыня Бялыніцкага райвыканкама Васіль Захаранка, а медаля Францыска Скарыны –артыст-вакаліст–вядучы майстар сцэны Магілёўскай абласной філармоніі Вольга Гарнічар.

Указам таксама прысвоены ганаровыя званні. Так, генеральнаму дырэктару РУП «Магілёўаўтадар» Анатолю Лапаціну прысвоена званне «Заслужаны будаўнік Рэспублікі Беларусь».

Падзякі Прэзідэнта ўдастоена таксама вялікая група прадстаўнікоў розных сфер дзейнасці за плённую працу, высокі прафесіяналізм, актыўную грамадска-палітычную дзейнасць. Сярод іх намеснік старшыні Магілёўскага аблвыканкама Валерый Малашка, генеральны дырэктар ААТ «Кіруючая кампанія холдынгу “Бабруйскаграмаш”» Надзея Лазарэвіч. Начальніку канструктарскага аддзела №2 ААТ «Інстытут Магілёўграмадзянпраект» Алесе Купаве аб’яўлена падзяка за шматгадовую плённую працу, асабісты ўклад у развіццё будаўнічай галіны, своечасовы ўвод у эксплуатацыю аб’ектаў сацыяльнага і вытворчага прызначэння.

Рэд.