Эпідэміёлагі нагадваюць: у Магілёўскай вобласці на 3 пляжах абмежаванні зняты, а на 13 працягваюць дзейнічаць

На бягучым тыдні санітарна-эпідэміялагічнай службай ацэнены 382 зоны рэкрэацыі па ўсёй краіне, праведзены даследаванні 898 проб вады, з якіх 42 не адпавядала гігіенічным нарматывам. Пра гэта паведамляе афіцыйны тэлеграм-канал Міністэрства аховы здароўя Беларусі.

Так, у Магілёўскай вобласці забаронена купанне дзяцей, дарослых і заняткі воднымі відамі спорту:

у Магілёве - гарадскі пляж на рацэ Дняпро, заліве Дняпра ў раёне вуліцы Фаціна, зоне рэкрэацыі на сажалцы Брады;

у Магілёўскім раёне - пляжы на рацэ Дняпро ў аграгарадку Палыкавічы, сажалцы ў вёсцы Вільчыцы;

у Шклоўскім раёне - гарадскі пляж на правым беразе ракі Дняпро паблізу лядовай арэны, пляж на сажалцы каля вёскі Путнікі;

прыпынена купанне дзяцей і дарослых у горадзе Бабруйску - гарадскі пляж № 2, пляж санаторыя «Шыннік»;

абмежавана купанне дзяцей у Магілёве на пляжы Святога возера, Бабруйску - гарадскім пляжы № 1, Чавускім вадасховішчы Рудзея ў раёне аграгарадка Гарбавічы, Дрыбінскай сажалцы «Запольскі» паблізу аграгарадка Расна.

На падставе вынікаў лабараторных даследаванняў зняты абмежаванні па купанні ў наступных зонах рэкрэацыі Магілёўскай вобласці:

пляжы на возеры Гусіным у аграгарадку Кадзіна Магілёўскага раёна;

на рацэ Остэр паблізу аздараўленчага лагера «Арляня» Клімавіцкага раёна;

на базе адпачынку «Мярэя» ў аграгарадку Леніна Горацкага раёна.

Рэд.