Гандлёвы прадстаўнік Расіі ў Беларусі: у Магілёўскай вобласці добра выбудаваны вектар супрацоўніцтва нават з аддаленымі рэгіёнамі Расійскай Федэрацыі

Намеснік старшыні Магілёўскага аблвыканкама Руслан Страхар сустрэўся сёння з гандлёвым прадстаўніком Расійскай Федэрацыі ў Рэспубліцы Беларусь Юрыем Залатаровым. Сустрэча адбылася ў рамках правядзення на тэрыторыі рэгіёна семінара «25 гадоў Саюзнай дзяржаве. Вынікі і перспектывы развіцця прамысловага дыялогу».

Як адзначыў Руслан Страхар, Магілёўская вобласць надае асаблівую ўвагу супрацоўніцтву з Расійскай Федэрацыяй, што цалкам відавочна, паколькі краіна-суседка для нас з'яўляецца асноўным стратэгічным партнёрам: «Ва ўзаемадзеянні нашых прадпрыемстваў вельмі важна выбудоўваць прамое супрацоўніцтва са структурамі, якія аказваюць падтрымку як развіццю нашага экспарту, так і дапамагаюць выбудоўваць сувязі па экспарце з Расійскай Федэрацыі ў Рэспубліку Беларусь. І ў сувязі з гэтым супрацоўніцтва з гандлёвым прадстаўніцтвам Расійскай Федэрацыі для нас мае важнае значэнне. З Юрыем Васільевічам Залатаровым і яго камандай на працягу года мы праводзім ужо цэлы шэраг мерапрыемстваў, якія як раз накіраваны на наша агульнае кааперацыйнае супрацоўніцтва, што вельмі важна. І гэта ўсё ў выніку выліваецца ў вынікі нашай працы. Так, за дзесяць месяцаў бягучага года знешнегандлёвы абарот Магілёўскай вобласці з Расійскай Федэрацыяй перасягнуў $2,6 млрд, з ростам 11 працэнтаў да мінулага года, а па выніках бягучага года чакаецца, што аб'ём тавараабароту перасягне $3 млрд. І мы бачым, што гэта ўзаемадзеянне немагчымае без кропкавых сувязяў з нашымі партнёрамі як з рэгіёнамі Расійскай Федэрацыі, што таксама для нас вельмі важна, так і са структурамі, якія на наднацыянальным узроўні дапамагаюць выбудоўваць дарогу для нашага бізнэсу.

Знешнегандлёвыя аперацыі ажыццяўляюцца з 78 рэгіёнамі Расіі. Сальда знешняга гандлю таварамі сфарміравалася дадатным у памеры $819,8 млн і яго велічыня ў параўнанні са студзенем-кастрычнікам 2023 года павялічылася на $150 млн.

Гандлёва-эканамічнае супрацоўніцтва з расійскімі партнёрамі сведчаць аб устойлівай зацікаўленасці прадпрыемстваў вобласці ў актывізацыі ўзаемных паставак, іх пераводу на доўгатэрміновую аснову, фарміраванні вытворчых кааперацыйных ланцужкоў у мэтах развіцця імпартазамяшчэння і прамысловай інтэграцыі».

У сваю чаргу Юрый Залатароў падкрэсліў, што літаральна 8 снежня нашы дзяржавы Расія і Беларусь адзначылі дваццаціпяцігадовы юбілей стварэння Саюзнай дзяржавы і сённяшняе мерапрыемства таксама прымеркавана да гэтай падзеі: «Мы нацэлены правесці адказны дыялог як з кіраўнікамі райвыканкамаў, якія адказваюць за развіццё гандлёва- з Расійскай Федэрацыяй, так і з адміністрацыяй СЭЗ «Магілёў» і Магілёўскім агенцтвам рэгіянальнага развіцця па пытаннях паглыблення інтэграцыйных працэсаў як у прамысловых, так і ў іншых сферах. З Русланам Барысавічам Страхарам у час перагавораў мы, у тым ліку, абмяняліся думкамі па развіццю гандлёва-эканамічных адносін. Магілёўскі напрамак для Расіі вельмі важны. І вельмі прыемна было пачуць аб тым, што ў цэлым аб'ём узаемнага гандлю паміж Магілёўскай вобласцю і Расійскай Федэрацыі па выніках года можа дасягнуць $3 млрд».

Таксама Юрый Залатароў адзначыў, што Магілёў на сябе ўзяў вельмі вялікую адказнасць: «Менавіта за Магілёўскай вобласцю замацаваныя два расійскія рэгіёны. Гэта перш за ўсё Прыморскі край і Хабараўскі край - рэгіёны няпростыя з пункту гледжання лагістыкі. І я заўсёды прыводжу ў прыклад, як добра выбудаваны гэты вектар супрацоўніцтва з пункту гледжання заключэння ўзаемавыгадных кантрактаў ад пастаяннага дыялога, як у гандлёва-эканамічнай, так і ў іншых галінах. Яго ў свой час, будучы старшынёй Магілёўскага аблвыканкама, задаў Леанід Канстанцінавіч Заяц. І варта адзначыць, што ў далейшым цяперашні старшыня аблвыканкама Анатоль Міхайлавіч Ісачанка не толькі падтрымаў гэту ініцыятыву, гэтыя добрыя двухбаковыя ўзаемаадносіны, але і забяспечыў далейшы імпульс развіцця. Вось таму, калі я праводжу розныя мерапрыемствы з нашымі расійскімі рэгіёнамі на Урале, у Заураллі ці, дапусцім, у Сібірскіх рэгіёнах і чую аб тым, што лагістыка можа «з'есці» ўсе перавагі і прыбытак, то заўсёды прыводжу вельмі адладжаны, правільна выбудаваны механізм супрацоўніцтва Магілёўскай вобласці вось з гэтымі двума далёкімі расійскімі бакамі Прыморскім і Хабараўскім».

Акрамя таго, гандлёвы прадстаўнік Расійскай Федэрацыі ў Рэспубліцы Беларусь расказаў, што сёння яны плануюць правесці сумесны семінар, дзе перад аўдыторыяй выступяць эксперты дзвюх краін. У тым ліку, па пытаннях рэалізацыі ўзаемавыгадных двухбаковых інвестыцыйных праектаў, па растлумачэнні юрыдычных нюансаў.

«Мы ўдзячныя нашым партнёрам з Магілёўскай вобласці за аператыўнасць, за канструктыўны падыход, у тым ліку як па правядзенні гэтага мерапрыемства, так і іншых. Хацеў бы таксама падкрэсліць, што для нас свабодная эканамічная зона «Магілёў» гэта не пусты гук. Дзевяць прадпрыемстваў актыўна працуюць з расійскім капіталам на тэрыторыі Магілёўскай вобласці. У тым ліку, такое прадпрыемства як ЗТАА «Омск Карбон Магілёў». Прадпрыемства стваралася не проста, сумесна з адміністрацыяй Магілёўскай вобласці мы вырашалі пытанні, якія ўзнікаюць. І зараз прадпрыемства выпускае запатрабаваную, у тым ліку на беларускім рынку, прадукцыю. І гэты праект, напэўна, другі па значнасці па аб'ёме ўкладзеных інвестыцый пасля нашага флагманскага праекта Беларускай АЭС», - сказаў на заканчэнне ён.

Юлія Таранава, фота Галіны Гаўрыловіч