Гарката Барок

Лёс Хатыні падзялілі 847 вёсак Магілёўскай вобласці, 15 з іх так і не аднавіліся.

У гэтым журботным спісе і вёска Боркі Кіраўскага раёна, дзе ў чэрвені 1942-га фашысты знішчылі 69 двароў з 495 жыхарамі.

У акце ад 29 чэрвеня 1944 года Надзвычайнай дзяржаўнай камісіі аб злачынствах варожых захопнікаў у Беларусі, які захоўваецца ў абласным дзяржархіве, ёсць паказанні выжыўшых вяскоўцаў - Івана Сініцына, Марыі і Ганны Сакадынец: «...Вясной 1942 года партызаны чынілі супраць . У канцы траўня 1942 гады падарвалася 5 аўтамашын. Досвіткам 15 чэрвеня 1942 гады немцы атачылі Боркі і прыступілі да ліквідацыі насельніцтва».

- Да нас у дом уварваліся двое аўтаматчыкаў і, нічога не сказаўшы, забілі маці, бацьку, сясцёр, - распавядае Ганна Мікітаўна. - Я і 15-гадовы брат Міша ўпалі параненыя на падлогу. Палічыўшы, што ўсе мёртвыя, немцы пайшлі за саломай для падпалу дома. У гэты час мы выскачылі ў жыта...

Разам з жыхарамі таксама гарэлі пасёлкі Доўгае Поле, Крыніча, Чырвоны Араты, Пралетар, Хва тоўка, якія ўваходзяць у склад Барок. Сваю чорную справу карнікі скончылі да сярэдзіны дня. У жывых засталіся 38 чалавек.

У памяць аб тых падзеях у 2008 годзе ў Борках адкрыты мемарыяльны комплекс - як напамін нашчадкам аб самай страшнай і разбуральнай вайне.

Вікторыя Бандарчык, «Беларускі час»