Госця «Купалля» з Асіповічаў: Александрыя заўсёды сустракае з асаблівай цеплынёй

Свята «Купалле» ў Александрыі асацыюецца з радзімай. Пра гэта расказала госця рэспубліканскага свята Святлана Сматрыцкая.

Жанчына падзялілася, што яна вучылася ў Александрыйскай школе, а зараз жыве ў Асіповічах. Таму «Купалле» для яе мае асаблівае значэнне.

«На свяце мы сабраліся вялікай сям'ёй: тут мой брат з ятроўкай, сястра і пляменніца з дзецьмі. «Купалле» у мяне асацыюецца з радзімай. А радзіма сваіх людзей заўсёды сустракае з асаблівай цеплынёй», - разважае яна.

Шпацыраваць вялікая сям'я плануе да самай ночы, бо вельмі хочацца паглядзець тут усё.

«Гэтае свята дорыць шмат эмоцый. Тут заўсёды цікава і дзецям, і дарослым. А выстава майстроў уражвае і здзіўляе сваёй разнастайнасцю. «Купалле» дае нам магчымасць яшчэ лепш пазнаць нашы традыцыі, пазнаёміцца з асаблівасцямі звыклых рамёстваў і пазнаць абсалютна новыя кірункі ад майстроў з Расійскай Федэрацыі. Гэта ўзбагачае нашае жыццё», - падкрэсліла жанчына.

Рэспубліканскае свята «Купалле» («Александрыя збірае сяброў») разгарнулася сёння на 10 га на беразе Дняпра. Сапраўдны фестывальны горад здзіўляе ўсіх гасцей яркімі лакацыямі, разнастайнымі канцэртнымі праграмамі і актыўнасцямі. Гуляць Александрыя будзе да позняй ночы.

БЕЛТА