«Грамадскасць будзе актыўна ўдзельнічаць у арганізацыі і правядзенні рэферэндуму». Меркаванне

Святлана Патапчык – старшыня Бялыніцкага раённага аб’яднання арганізацый прафсаюзаў, якія ўваходзяць у Федэрацыю прафсаюзаў Беларусі:

– Пасланне Прэзідэнта да беларускага народа і Нацыянальнага сходу набывае асаблівае гучанне напярэдадні рэферэндуму па пытанні ўнясення змяненняў і дапаўненняў у Канстытуцыю. Папраўкі ў Асноўны закон, накіраваныя на ўмацаванне суверэнітэту і незалежнасці нашай дзяржавы, забеспячэнне міру і справядлівасці, захаванне самабытнасці, культурных і духоўных традыцый, актыўна абмяркоўваліся ў грамадстве. І гэта дае ўпэўненасць у тым, што яўка выбаршчыкаў на маючым адбыцца рэферэндуме будзе высокай.

Федэрацыя прафсаюзаў Беларусі 29 студзеня прыняла дэкларацыю аб падтрымцы рэферэндуму. І я, як старшыня Бялыніцкага раённага аб’яднання арганізацый прафсаюзаў, нароўні з калегамі, кажу «так!» сацыяльна арыентаванай дзяржаве, узмацненню падтрымкі сем’яў з дзецьмі, малаабароненых катэгорый насельніцтва, гарантыям бясплатнай медыцынскай дапамогі, даступнай адукацыі. Цалкам падзяляю меркаванне і пазіцыю прадстаўнікоў працоўных калектываў: суайчыннікі, якія працуюць на карысць сваіх сем’яў, сваёй Беларусі, і павінны вызначаць, як і па якіх законах мы будзем жыць заўтра. Ніхто з палітыкаў іншых дзяржаў і тых, хто аддаў сваю краіну, не мае ні маральнага, ні юрыдычнага права дыктаваць нам свае правілы. А мы, хто хоча для Беларусі мірнага і дынамічнага развіцця, абавязаны аб’яднацца і прагаласаваць – за нашу краіну, нашу Канстытуцыю, нашу будучыню.

 СБ