RU BY EN 中文
Twitter Instagram

Гран-пры форума «M.@rt.кантакт» удастоены спектакль «Палата №6» піцерскага тэатра

Вынікі XVIII Міжнароднага маладзёжнага форуму «M.@rt.кантакт» падвялі ў Магілёве 27 сакавіка ў Сусветны дзень тэатра. Гран-пры, на думку экспертнага журы, удастоены спектакль «Палата №6» Тэатра-фестывалю «Балтыйскі дом» з Санкт-Пецярбурга.

Абвяшчаючы імя пераможцы, старшыня экспертнай рады форума, загадчык аддзела тэатральнага мастацтва Цэнтра даследаванняў беларускай культуры, мовы і літаратуры НАН Беларусі Вераніка Ярмалінская павіншавала ўсіх з Сусветным днём тэатра і адзначыла, што гэтае свята аб'ядноўвае людзей, якія служаць тэатру і якія любяць тэатр: «Без вас ён не можа існаваць, – падкрэсліла яна. – Мае асабліва цёплыя словы пажаданняў у гэты святочны дзень Магілёўскаму абласному драматычнаму тэатру калектыву, які годна, маштабна правёў гэты міжнародны тэатральны маладзёжны форум, які з'яўляецца знакавай і значнай падзеяй у нашым тэатральным жыцці, у жыцці нашай краіны».

Спецыяльныя дыпломы журы таксама прысуджаны пастаноўкам: «Звер» Пермскага тэатра «Ля Моста» (Перм, Расія), рэжысёр Сяргей Фядотаў – «За вернасць традыцыям рускага псіхалагічнага тэатра»; «Мядзведзь» Тэатра юных гледачоў імя А. А. Бранцава (Санкт-Пецярбург, Расія), рэжысёр Ілля Архіпаў – «За выразны мастацкі вобраз»; «Русалка» Гомельскага гарадскога маладзёжнага тэатра (Гомель, Беларусь), рэжысёр Таццяна Самбук – «За творчы пошук у сцэнічным увасабленні твора Аляксандра Сяргеевіча Пушкіна»; «Любоўны адказ мужчыне, які сядзіць у крэсле» Азербайджанскага дзяржаўнага акадэмічнага рускага драматычнага тэатра (Баку, Азербайджанская Рэспубліка), рэжысёр Аляксандр Шароўскі – «За захаванне і развіццё традыцый рускага тэатра»; «Дом Бернарды Альбы» Орскага дзяржаўнага драматычнага тэатра імя А. С. Пушкіна (Орск, Расія)), рэжысёр Дзяніс Радчанка – «За лепшы акцёрскі ансамбль»; «Нюрнбэрг. Лава падсудных» Магілёўскага абласнога тэатра драмы і камедыі імя У. І. Дуніна-Марцінкевіча (Бабруйск, Беларусь), рэжысёр Вольга Барысавец – «За сучаснае ўвасабленне тэмы Вялікай Айчыннай вайны»; «Алеся» Драматычнага тэатра «Тэатральны каўчэг у Дубраве» імя А. Мяне (Сергіеў Пасад, Расія), рэжысёр Аляксандр Лакціёнаў – «За дакладнае рашэнне сцэнаграфічнай прасторы»; «Каханне. Каханне? Каханне!» Гомельскага абласнога драматычнага тэатра (Гомель, Беларусь), рэжысёр Іван Чумачэнка – «За захаванне рускай літаратурнай спадчыны і супрацоўніцтва з рускай тэатральнай школай»; «Гульцы» Заслужанага калектыву Рэспублікі Беларусь Магілёўскага абласнога драматычнага тэатра (Магілёў, Беларусь), рэжысёр Данііл Сухаў – «За яркі тэатральны эксперымент у спектаклі малой формы»; Вольга Вірыйская – «За лепшую жаночую ролю Кармэн» у спектаклі «Кармэн. Гісторыя Хасэ» Арлоўскага дзяржаўнага тэатра для дзяцей і моладзі «Свабодная прастора» (Арол, Расія), рэжысёр Вікторыя Пячэрнікава; Юрый Барысаў – «За лепшую мужчынскую ролю» (роля Абрама Ільіча Шварца) у спектаклі «Матроская цішыня» Разанскага тэатра драмы (Разань, Расія), рэжысёр Барыс Лагода; Ірына Джапакава – «За яркае выкананне ролі Эдыт Піяф» у спектаклі «Гэта я – Эдыт Піяф» Камернага драматычнага тэатра (Волагда, Расія), рэжысёр Якаў Рубін.

Прадстаўнік маладзёжнага журы форуму, тэатразнавец, тэатральны крытык, студэнтка магістратуры тэатразнаўчага факультэта Расійскага інстытута тэатральнага мастацтва - ГІТІС Лізавета Баравікова падзякавала за свята арганізатарам - Міністэрства культуры Рэспублікі Беларусь і Магілёўскі абласны выканаўчы камітэт: «Я другі раз патрапіла ў сапраўдны пажадаць, каб тэатрам і надалей займаліся людзі, якія яго па-сапраўднаму любяць».

Маладзёжнае журы ўручыла «Залатую маску» спектаклю «Дуброўскі» Ульянаўскага маладзёжнага тэатра імя Аляксандрава (Ульянаўск, Расія), рэжысёр Іван Арлоў. Спецыяльных дыпломаў удастоены пастаноўкі: «Перад кінасеансам. Тры музыканты і мая Марусечка» тэатра «Каля дома Станіслаўскага» (Масква, Расія), рэжысёры Лілія Загорская і Юрый Паграбнічка – «За веру і вернасць сабе» (Масква, Расія); «Звер» Пермскага тэатра «Ля Моста» (Перм, Расія), рэжысёр Сяргей Фядотаў – «За стварэнне моста паміж мінулым і сучаснасцю»; «Палата №6» Тэатра-фестывалю «Балтыйскі дом», рэжысёр Анатоль Праўдзін – «За гранічную дакладнасць жыцця на сцэне»; «Кармэн. Гісторыя Хасэ» Арлоўскага тэатра «Свабодная прастора» (Арол, Расія), рэжысёр Вікторыя Пячэрнікава – «За свабоду акцёрства»; Ірыне Джапакавай «За пражыты лёс на сцэне» ў спектаклі «Гэта я - Эдыт Піяф» Камернага драматычнага тэатра (Волагда, Расія), рэжысёр Якаў Рубін.

Прыз сімпатый гледачоў заваяваў спектакль «Кармэн. Гісторыя Хасэ» Арлоўскага дзяржаўнага тэатра для дзяцей і моладзі «Свабодная прастора» (Арол, Расія), рэжысёр Вікторыя Пячэрнікава.

Юлія Таранава, фота Галіны Гаўрыловіч

Пры выкарыстанні матэрыялаў актыўная гіперспасылка на mogilev-region.gov.by абавязковая