Хакеісты «Дынама-Шынніка» усухую абгулялі «Аўта» у МХЛ

Бабруйскі клуб «Дынама-Шыннік» удала завяршыў чарговую хатнюю серыю ў рэгулярным чэмпіянаце Маладзёжнай хакейнай лігі сезона-25/26.

У пятніцу, 14 лістапада, падапечныя Яўгена Летава прымалі прадстаўніка Усходняй канферэнцыі «Аўта» з Екацярынбурга. Ключавым у гэтым матчы стаў другі перыяд, у якім гаспадары паразілі чужыя вароты тройчы. Дубль аформіў Багдан Белкін, яшчэ адну шайбу закінуў Мікіта Хадаровіч. У заключнай трэці Арцём Капусцін устанавіў канчатковы лік - 4:0 на карысць «Дынама-Шынніка».

Такім чынам, у дамашняй серыі бабруйскі клуб набраў 10 ачкоў з 12 магчымых. Наша каманда паднялася на чацвёртае месца ў табліцы «Залатога» дывізіёна Заходняй канферэнцыі МХЛ, маючы 34 балы. Далей юныя дынамаўцы адправяцца ў Санкт-Пецярбург, дзе правядуць па два матчы супраць СКА-1946 (20 і 21 лістапада) і «Дынама-СПб» (24 і 25 лістапада).

БЕЛТА