Ігар Бокій перад «Знакавай сустрэчай»: у кожнага беларуса ёсць магчымасць дасягнуць вышынь ва ўсіх сферах

У кожнага беларуса ёсць магчымасць дасягнуць вышынь ва ўсіх сферах. Пра гэта журналістам заявіў 21-разовы паралімпійскі чэмпіён Ігар Бокій.

Сёння ў Бабруйску ў рамках «Марафона адзінства» пройдзе «Знакавая сустрэча». У час нефармальных зносін на пытанні адкажуць генеральны дырэктар Нацыянальнай бібліятэкі Беларусі Вадзім Гігін, 21-разовы паралімпійскі чэмпіён Ігар Бокій, заслужаны артыст Рэспублікі Беларусь Руслан Аляхно, радыёвядучы, галоўны рэдактар «Альфа Радыё» Вадзім Шапет.

Журналістам удалося паразмаўляць з 21-разовым паралімпійскім чэмпіёнам да пачатку мерапрыемства. «Я гатовы адказаць на ўсе пытанні, якія цікавяць удзельнікаў «Знакавай сустрэчы», падзяліцца з імі нейкімі гісторыямі. Калі казаць у цэлым пра «Марафон адзінства», то гэта выдатная акцыя. Нам сапраўды ёсць чым ганарыцца. І ў кожнага з нас ёсць магчымасць дасягнуць вышынь ва ўсіх сферах», - сказаў Ігар Бокій.

БЕЛТА