Ігар Марзалюк: я за экспансію беларускай традыцыі, беларускай культуры, беларускіх навуковых тэхналогій

Канцэнтраваная нацыянальная ідэя на вялікую перспектыву – беларускае сэрца, IT-тэхналогіі і нікога наперадзе. Такое меркаванне ў праграме «Маркаў. Нічога асабістага» на тэлеканале АНТ выказаў старшыня Пастаяннай камісіі па адукацыі, культуры і навуцы Палаты прадстаўнікоў доктар гістарычных навук, прафесар Ігар Марзалюк.

«Нашы традыцыйныя каштоўнасці, наша навука, якая будзе ствараць гарызонты нашай будучыні... Мы будзем вызначаць свой свет зыходзячы са сваёй моцы. Я за экспансію беларускай традыцыі, беларускай культуры, беларускіх навуковых тэхналогій. Гэта тое, чым мы зможам перамагчы. І гэта тое, чым трэба перамагаць. На гэтым неабходна будаваць нацыянальную ідэнтычнасць. На разуменні таго, што сфармулявалі задоўга да нас, – «Жыццё кароткае, Радзіма вечная». На разуменні таго, што краіна тваіх сэнсаў, тваіх поспехаў, дзе ты сябе рэалізуеш цалкам, і пры гэтым можаш сабе дазволіць глядзець у ілюмінатар самалёта на ўсе астатнія краіны – гэта твая краіна, якая дае табе ўнікальныя магчымасці», – сказаў Ігар Марзалюк.

Ён падзяліўся, што ягоны 20-гадовы сын з аднагодкамі ў размове пра перспектывы свайго росту прыйшлі да высновы, што для развіцця беларускае заканадаўства дае куды больш магчымасцяў, чым Заходняя Еўропа. «У Заходняй Еўропе ты будзеш сераднячком і клеркам. Тут ты можаш ірваць гарызонт. Гэта трэба паказваць. І наша Канстытуцыя, наша заканадаўства гэтыя рэчы дазваляе. Некаторыя кажуць, што Беларусь запаведны пячорнік. Але 64% – гэта дробны, сярэдні і іншы бізнэс. Уся тая архітэктура краіны, якая знаходзіць адлюстраванне ў дзікай колькасці іншамарак не толькі ў сталіцы, уся краіна, якую цяпер бачым, – гэта доказ таго, што Беларусь – адзіная з усіх постсавецкіх рэспублік, якая здзейсніла нацыянальны прарыў і нацыянальную мадэрнізацыю, якая памяняла соцыум», – сказаў эксперт. І дадаў: «Пасля 2020 года, асабліва з трагічнымі падзеямі на поўдні, ва Украіне, да многіх дайшло: што б мы маглі атрымаць, калі б улада, калі б Прэзідэнт у 2020 годзе не выстаяў. Да ўсіх нас даходзіць, за выключэннем нікчэмнай колькасці маргіналаў, якія заўсёды будуць заставацца ў меншасці: у нас адзін нацыянальны дом, у нас адна краіна і сэнсы ў нас адны. Мы ўсе хочам годна развіваць сваю культуру, традыцыю, асабісты поспех і бізнес на гэтай зямлі. Самы вялікі набытак беларускага свету, нягледзячы на канфесійную разнастайнасць, на розныя моўныя практыкі, – мы адчуваем сябе кансалідаванай нацыяй. А этнічны нацыяналізм, прыніжэнне за кошт іншых, расчалавечванне не прайшло ў 2020 годзе і не пройдзе ніколі».

БЕЛТА

Марзалюк аб беларускім характары і свеце

Гісторык: нельга замоўчваць праблемы здрады і калабарацыі ў гады вайны, баючыся пакрыўдзіць суседзяў

Пара стварыць рэальны ваенна-палітычны саюз. Маразалюк аб прамове Прэзідэнта на сустрэчы ў межах АДКБ

Дэпутат расказаў аб магчымасці з’яўлення новых членаў АДКБ і супрацьстаянні НАТА