Інфармацыйна-вылічальны цэнтр аблсельгасхарча адзначыў 50-гадовы юбілей

Урачыстае мерапрыемства, прысвечанае 50-годдзю Інфармацыйна-вылічальнага цэнтра аблсельгасхарча і прафесійнаму святу Дню работнікаў сельскай гаспадаркі і перапрацоўчай прамысловасці АПК, адбылося 24 лістапада ў Магілёве.

Прыярытэтнымі напрамкамі развіцця дзейнасці УКВП «ІВЦ аблсельгасхарча» традыцыйна застаюцца паслугі па суправаджэнні, развіцці і ўдасканаленні аўтаматызаваных інфармацыйных сістэм на ўзроўні суб'ектаў гаспадарання, райсельгасхарчаў, аблсельгасхарча, кіраўнікоў кампаній, развіццё паслуг у галіне інфармацыйных тэхналогій, прыцягненне заказаў па распрацоўцы ІТ-прадукцыі, камп'ютарнай тэхнікі.

«Сёння яскравая падзея для нашага прадпрыемства. За паўстагоддзя пройдзены слаўны шлях станаўлення, развіцця, пераадолення цяжкасцей, выдатных працоўных поспехаў і ўражлівых дасягненняў, - адзначыла дырэктар ІВЦ аблсельгасхарча Іна Мяшок. - На працягу ўсяго гэтага часу супрацоўнікі прадпрыемства ўкладвалі свае веды і душу, накіроўвалі ўсе сілы на яго дабро, набывалі вопыт і дзяліліся ім, рэалізоўвалі самыя смелыя задумкі і ўвасаблялі сур'ёзныя праекты. Жадаю ўсім і надалей невычэрпнага патоку ідэй, поспехаў, заставацца такімі ж крэатыўнымі, згуртаванымі, упэўненымі ва ўласных сілах. А нашаму прадпрыемству - упісаць у сваю гісторыю яшчэ мноства слаўных старонак, шматкроць прымножыць колькасць перамог і здзяйсненняў».

«Сапраўды, каб перакінуць інфармацыю з аднаго кампутара на другі патрабавалася час - хуткасць тэхнікі была невялікая. Пры гэтым не было ніякага выдаленага доступу, толькі пастаянныя камандзіроўкі», - дапаўняе былога кіраўніка Лідзія Бараноўская, якая ў тыя часы працавала начальнікам аднаго з аддзелаў. - А да з'яўлення кампутараў усю напрацаваную за месяц інфармацыю, напрыклад, па складскім уліку, прывозілі з раёнаў да нас, тут мы дадзеныя кожнага дакумента ўводзілі і выдавалі абаротную ведамасць. Гэта дзясяткі складоў у кожным раёне, сотні такіх ведамасцяў выпісвалі на вобласць. Працавалі з папяровымі перфастужкамі, якія счытвала спецыяльная машына.

На той момант у складзе прадпрыемства працавала каля 400 чалавек, сёння - крыху больш за 30. Хоць аб'ёмы працы апошнія гады пашыраюцца, дадаюцца сферы і напрамкі. Аднак, цяпер многія працэсы аўтаматызаваны і ў гэтым вялікая заслуга ІВЦ».

У гэты дзень у адрас прадпрыемства-юбіляра прагучала нямала добрых слоў і пажаданняў ад гасцей свята. Лепшым супрацоўнікам уручылі заслужаныя ўзнагароды. Святочную атмасферу дапоўніла канцэртная праграма.

Юлія Таранава, фота Галіны Гаўрыловіч