Інтэнсіўная праграма з упорам на інжынерную падрыхтоўку. Ваенна-патрыятычны клуб адкрыўся ў Бабруйску

У 83-м асобным інжынерна-аэрадромным палку, які дыслакуецца ў Бабруйску, адкрыўся ваенна-патрыятычны клуб «Патрыёт», паведамілі ў Міністэрстве абароны.

У склад клуба ўвайшлі 15 хлапчукоў і дзяўчынак з устаноў адукацыі Бабруйска. Наперадзе хлопчыкаў і дзяўчынак чакае інтэнсіўная праграма па прадметах баявой падрыхтоўкі, дзе асноўны ўпор будзе зроблены на заняткі школьнікаў па інжынернай падрыхтоўцы.

Камандзір 83-га асобнага інжынерна-аэрадромнага палка палкоўнік Аляксандр Талерчык уручыў новаспечаным выхаванцам пасведчанні клуба, а юныя патрыёты вымавілі словы ўрачыстай клятвы.

БЕЛТА