Ірына Раінчык: вынік працы павінен быць у наяўнасці - гэта камфортныя, утульныя населеныя пункты

Пасяджэнне пастаяннай камісіі па прамысловасці, будаўніцтве, транспарце, сувязі, жыллёва-камунальнай і дарожнай гаспадарцы і абласнога штаба па навядзенні парадку на зямлі і добраўпарадкаванні тэрыторый населеных пунктаў прайшло 5 мая з удзелам старшыні Магілёўскага абласнога Савета дэпутатаў Ірыны Раінчык, першага намесніка старшыні Магілёўскага аблвыканкама Сяргея Савіцкага.

«Сёння на разглядзе штаба асноўнае пытанне - вынікі правядзення месячніка па ўборцы, добраўпарадкаванні і азеляненні тэрыторый, населеных пунктаў, двароў, плошчаў, сквераў, мемарыяльных комплексаў, месцаў баявой і вайсковай славы і іншых тэрыторый, які па распараджэнні старшыні аблвыканкама2 праходзіў у рэгіёне сакавіка па 30 красавіка, - нагадала Ірына Раінчык. - Неаднаразова на аператыўных нарадах губернатар звяртаў увагу на гэты напрамак дзейнасці. Прамежкавыя вынікі абмяркоўваліся раней на паседжанні абласнога і рэгіянальных штабоў. Шэрагу рэгіёнаў былі пастаўлены канкрэтныя задачы і сёння па выніках месяца падрыхтавана аб'ектыўная інфармацыя. Максімальна прыняць меры для навядзення парадку на прылеглай тэрыторыі даручана і прадпрыемствам, арганізацыям сацыяльнай сферы і сельскай гаспадаркі. Пры гэтым асобныя пытанні да сферы ўсё яшчэ застаюцца. Але ёсць і актыўныя рэгіёны, якія на сёння спрацавалі аператыўна, у тым ліку, з насельніцтвам».

Яшчэ адной тэмай на парадку дня стала падрыхтоўка і работа па добраўпарадкаванні дзіцячых і спартыўных пляцовак, якія павінны быць адкрыты да 3 ліпеня. Заслуханы шэраг рэгіёнаў па гэтым напрамку. У тым ліку, увага была ўдзелена рабоце з насельніцтвам раённых і сельвыканкамаў.

Аб неабходнасці яшчэ раз праманіторыць усе зямельныя ўчасткі на тэрыторыі сельскіх населеных пунктаў выказаўся Сяргей Савіцкі: «Займацца навядзеннем парадку трэба там, дзе ўчастак з'яўляецца грамадскім. У астатніх выпадках - ёсць уласнік. З ім таксама неабходна ўмець наладзіць кантакт і працаваць. Без мітусні браць участак за ўчасткам і наводзіць парадак. Калі ёсць такая магчымасць - залучаць землі ў абарот. Каб быў эфект. Зямля не павінна прастойваць, калі яна можа даваць даход».