Карціны Бялыніцкага-Бірулі рэстаўруюць у Мінску

Карціны з Бялыніцкага музея мастака Вітольда Бялыніцкага-Бірулі знаходзяцца на рэстаўрацыі ў Мінску.

Па праекце раённы музей павінен ператварыцца ў мастацка-адукацыйны цэнтр, дзе акрамя асноўнай экспазіцыі, прысвечанай Бялыніцкаму-Бірулю, будзе выставачная зала, зала са спіскам Бялыніцкай іконы і зала гісторыі рэгіёна. Але пакуль тут засталіся толькі цяжкія скульптуры, якія складана вывезці. А вось 27 карцін мастака, часткова перададзеныя ўдавой Бялыніцкага-Бірулі ў 1970-м годзе, часова пераехалі ў Нацыянальны мастацкі музей Мінска. Цяпер над імі працуюць у навукова-рэстаўрацыйных майстэрнях.

Усім палотнам – без малога сотня гадоў. Яны напісаны ў 30-40-я гады мінулага стагоддзя. Захаванасць розная. Калі палатно быў знята, выявіліся пыл і бруд, і гэтыя сляды часу магчыма ліквідаваць толькі з дапамогай пыласоса. А наперадзе – тыдні два карпатлівай працы. Рэстаўратары параўноўваюць сваю працу з прыёмам пацыента. Палатно можа падабаецца або не, але, калі ўзіраешся ў яго, заўважаеш нюансы, прызвычайваешся і клапоцішся, яно становіцца практычна родным.

З працамі Бялыніцкага-Бірулі рэстаўратары ўжо знаёмыя. У фондах Нацыянальнага мастацкага музея – чатыры сотні яго карцін. Сярод іх дзве вельмі вядомыя – «Час цішыні» і «Зімовы сон». А яшчэ ёсць прадметы мэблі і побыту – спадчына мастака, якія прывезлі ў Беларусь пасля яго смерці і закрыцця дома-музея ў Расіі.

Нацыянальны мастацкі музей мае намер прыняць удзел і ў святкаванні ў 2020 годзе Дня беларускага пісьменства ў Бялынічах, на радзіме Бялыніцкага-Бірулі. У планах – пленэр памяці знакамітага мастака, нашага земляка.

ТРК «Магілёў»