КДК Магілёўскай вобласці вывучыў парадак правядзення капрамонту аб’ектаў жыллёвага фонду ў рэгіёнах

Камітэтам дзяржкантролю Магілёўскай вобласці выбарачна вывучана захаванне ў рэгіёнах вобласці парадку арганізацыі і правядзення капітальнага рамонту аб’ектаў жыллёвага фонду. Пра гэта паведаміў першы намеснік старшыні ведамства Юрый Фралоў.

Як паказалі кантрольныя мерапрыемствы, у гэтай сферы маецца шэраг праблем, якія патрабуюць прыняцця мер рэагавання. Найбольш тыповыя з іх:

– неналежнае фарміраванне графікаў капітальнага рамонту жылых дамоў, іх перыядычная карэкціроўка;

– сістэматычнае перавышэнне разлічаных у адпаведнасці з заканадаўствам гранічных нормаў выдаткаў на капітальны рамонт 1 м2 агульнай плошчы жылых дамоў;

– нясвоечасовая прыёмка ў эксплуатацыю адрамантаваных (рэканструяваных) аб’ектаў;

– прыёмка ў эксплуатацыю асобных канструктыўных элементаў жылога дома пад выглядам уводу ў эксплуатацыю ўсяго жылога дома;

– скажэнне ведамаснай справаздачнасці па ўводзе агульнай плошчы жылля і замене ліфтаў;

– недасканаласць заканадаўства ў гэтай сферы.

Камітэтам забяспечваецца прыняцце мер па выпраўленні сітуацыі. Кантроль у гэтым кірунку працягваецца, падкрэсліў суразмоўца.